Pa palityčnych artykułach buduć sudzić pradprymalnika ź Pietrykava
Na 4 lutaha ŭ Homielskim abłasnym sudzie zapłanavany pačatak sudovaha pasiadžeńnia dla razhladu kryminalnaj spravy suprać Alaksandra Javorskaha. Jaho vinavaciać pavodle dvuch artykułaŭ Kryminalnaha kodeksa — č. 1 artykuła 130 (raspalvańnie rasavaj, nacyjanalnaj, relihijnaj albo inšaj sacyjalnaj varažniečy) i č. 1 art. 368 (abraza Łukašenki), piša «Homielskaja viasna».
Pra Alaksandra Javorskaha viadoma, što jon ź Pietrykava, dzie zajmaŭsia pradprymalnickaj dziejnaściu ŭ śfiery handlu charčovymi praduktami, napojami i tytuniom, vałodaŭ kramaj «Saleman».
U kastryčniku 2020 hoda jon dałučyŭsia da ahulnanacyjanalnaha strajku, abvieščanaha Śviatłanaj Cichanoŭskaj, i navat zapisaŭ z hetaj nahody videazvarot. Adna ź dziaržaŭnych prapahandysckich hazietaŭ tady jašče sa ździekam cytavała jahonyja słovy z taho videa: «Nie maju namieru siłkavać padatkami i adličeńniami režym».
Sudzić pietrykaŭskaha pradprymalnika budzie sudzia Jaŭhien Jerafiejeŭ, zusim niadaŭna pryznačany na pasadu sudździ abłasnoha suda. Raniej jon byŭ sudździoj rajonnaha suda ŭ Žłobinie. Sud budzie prachodzić u zakrytym režymie.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary