Biełaruskamu biznesmienu pahražaje da 12 hadoŭ kałonii pa troch palityčnych artykułach

Aleh Samarodski kiravaŭ dvuma biznesami, a ciapier byŭ aryštavany pa palityčnych artykułach. Nieŭzabavie jaho buduć sudzić.

Aleh Samarodski. Fota z bazy «Kibierpartyzanaŭ»

Alehu Samarodskamu 61 hod. Zhodna sa źviestkami prajekta Digital Intelligence Team, rodam jon z Rasii, horada Ražsk Razanskaj vobłaści, ale žyvie ŭ Biełarusi i maje hramadzianstva krainy. U 1985 jon skončyŭ minski iniaz pa śpiecyjalnaści «pierakładčyk z anhlijskaj i francuzskaj movaŭ».

Maje troch dziaciej.

Samarodski ŭsio žyćcio zajmaŭsia biznesam — byŭ kiraŭnikom firmy «Uładkas», jakaja zajmałasia vyroščvańniem harodniny, nasieńnia i rassady, taksama dyrektaram firmy «Biełbaskitlid», jakaja vyrablaje draŭlanuju taru i inšyja rečy z dreva ŭ Iŭi Hrodzienskaj vobłaści.

Nieviadoma, kali jaho zatrymali — my nie znajšli sacsietak Samarodskaha. Sud nad im pačniecca 6 lutaha 2025 hoda ŭ Minskim haradskim sudzie.

Vinavaciać biznesmiena pa troch artykułach — «udzieł u ekstremisckim farmiravańni» (č. 3 art. 361-3), «zakliki da pryčynieńnia škody Biełarusi» (č. 3 art. 361 KK) i «raspalvańnie varožaści» (č. 1 art. 130 KK). Ahułam jamu pahražaje da 12 hadoŭ kałonii. Abstaviny spravy nieviadomyja.

Kamientary da artykuła