Voś za što biznesoŭcu Siarhieju Junčycu prysudzili piać hadoŭ kałonii i 20 tysiač rubloŭ štrafu
Prakuratura Minskaj vobłaści pachvaliłasia tym, što zapisali ŭ abvinavačańnie.
Prakuratura Minskaj vobłaści napisała pra toje, za što pradprymalniku Siarhieju Junčycu prysudzili piać hadoŭ kałonii za danaty.
Jany paviedamlajuć, što jon zrabiŭ hrašovyja pieravody 24 palitviaźniam u SIZA na ahulnuju sumu ŭ 500 rubloŭ. Taksama jon achviaravaŭ 1300 rubloŭ pravaabaroncam i inicyjatyvam, jakija dapamahajuć represavanym. Heta «Biełaruskaja rada kultury», Dissidentby i «Kraina dla žyćcia».
Admietna, što prakuratura traktuje dapamohu palitviaźniam jak sadziejničańnie ekstremisckaj dziejnaści. Maŭlaŭ, nidzie, akramia «ekstremisckich» vydańniaŭ dy sajtaŭ pravaabarončych arhanizacyjaŭ, niama źviestak pra palitviaźniaŭ, tamu i ŭziać ich možna tolki z ekstremisckich resursaŭ.
«Z ulikam pradstaŭlenych dziaržaŭnym abvinavaŭcam dokazaŭ sudovaja kalehija Minskaha haradskoha suda pastanaviła abvinavaŭčy prysud.
Na padstavie č. 1 i č. 2 art 361-2 KK («finansavańnie ekstremisckaha farmiravańnia») i č. 1 i č. 2 art. 361-4 KK («sadziejničańnie ekstremisckaj dziejnaści») abvinavačanamu pryznačanaje pakarańnie ŭ vyhladzie pazbaŭleńnia voli na 5 hadoŭ sa štrafam u pamiery 500 bazavych vieličyniaŭ (20 tysiač rubloŭ) z adbyćciom pakarańnia ŭ papraŭčaj kałonii va ŭmovach uzmocnienaha režymu», — piša sajt prakuratury.
«Naša Niva» — bastyjon biełaruščyny
PADTRYMAĆCiapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary
I nie śmiejcie pisać drenna pra tych, chto nie źjechaŭ.