Palitźniavolenaja błohierka Viktoryja Husarava paśla suda vyjšła na volu
Jak piša «Homielskaja viasna», błohierka paviedamiła na svajoj staroncy ŭ instahramie, što znachodzicca doma.
Viktoryja Husarava paśla vyzvaleńnia. Fota: instagram.com/gusarev_ka
Sudovy praces u dačynieńni da Viktoryi pačaŭsia ŭ Homielskim abłasnym sudzie 17 studzienia. Jej była inkryminavanaja č. 1 art. 130 KK (raspalvańnie varožaści). Spravu razhladała sudździa Alesia Osipava. Jaki prysud jana vyniesła Husaravaj — nieviadoma.
Viktoryja — viadomaja biełaruskaja błohierka «gusarev_ka», jana maje bolš za 32 tysiačy padpisčykaŭ u instahramie i bolš za 17 tysiač — u tyktoku.
Apošnija dopisy dziaŭčyny byli datavanyja vieraśniem — pad imi ludzi pisali, što jana znachodzicca ŭ SIZA. Pra jaje zatrymańnie ŭpieršyniu napisali ŭ pačatku hetaha hoda.
Čytajcie taksama:
Eduardu Babaryku spoŭniłasia 35 hadoŭ