BIEŁ Ł RUS

Adkryty novy harmon, jaki pryhłušaje apietyt i baronić ad atłuścieńnia

31.01.2025 / 20:45

Nashaniva.com

Kitajskija daśledčyki ŭpieršyniu vyjavili i apisali novy harmon, jaki akazvaje niepasredny ŭpłyŭ na apietyt i mietabalizm. Jon atrymaŭ nazvu «rapcin».

Ilustracyjnaja vyjava. Fota: «Naša Niva»

Vučonyja z Kitaja praviali daśledavańnie na 262 pacyjentach, ź jakich 127 mieli aficyjny dyjahnaz «atłuścieńnie», i vyjavili novy harmon rapcin (RCN2), uzrovień jakoha źviazany z praciahłaściu snu i vahoj cieła, paviedamlaje navukovy časopis Nature. 

«Deficyt snu źviazany z atłuścieńniem, ale miechanizmy hetaj suviazi dahetul zastavalisia niezrazumiełymi. My vyjavili białkovy harmon, jaki vypracoŭvajecca hipatałamusam padčas snu ŭ ludziej i myšej, što spryjaje źnižeńniu apietytu i zapavoleńniu vychadu ježy sa straŭnika», — pišuć aŭtary daśledavańnia.

Navukoŭcy pakazali, što rapcin, jaki padparadkoŭvajecca cyrkadnym rytmam (bijałahičnym pracesam, źviazanym sa źmienaj dnia i nočy), padaje sihnał nasyčeńnia ŭ straŭnik i źnižaje intensiŭnaść spažyvańnia ježy. Niedachop snu pryvodzić da źnižeńnia ŭzroŭniu rapcinu, što parušaje kantrol nad apietytam. U ludziej z atłuścieńniem uzrovień hetaha harmonu značna nižejšy, čym u strojnych.

Daśledčyki taksama vyjavili, što RCN2 prysutničaje ŭ ludziej z atłuścieńniem, jakija chvarejuć na sindrom «načnoha abžorstva». Adnak daśledavańnie pakazała, što ŭ ludziej, jakija prachodzili lačeńnie ad biassońnia, uzrovień rapcinu pavialičvaŭsia, a ich mietabalizm palapšaŭsia. Heta dadatkova paćviardžaje hipotezu pra toje, što harmon moža stać asnovaj dla raspracoŭki novych mietadaŭ baraćby z atłuścieńniem i raspracoŭki lekaŭ, jakija buduć imitavać dziejańnie rapcinu.

Čytajcie taksama:

Miasajedy majuć bolš šancaŭ znajści sabie paru — daśledavańnie

Nijakaha 21 dnia. Abvierhnuty samy papularny mif pra zvyčki

Vyjaviłasia, što niekatoryja fizičnyja nahruzki takija ž efiektyŭnyja, jak vijahra

Kamientary da artykuła