Vyjaviłasia, što niekatoryja fizičnyja nahruzki takija ž efiektyŭnyja, jak vijahra
Vijahra i jaje anałahi — papularny srodak lekavańnia erektylnaj dysfunkcyi. Adnak vučonyja dakazali, što isnuje jašče adzin mietad, jaki maje amal takuju ž efiektyŭnaść.
Śpiecyjalisty śćviardžajuć, što erektylnaja dysfunkcyja sustrakajecca ŭ pałovy mužčyn, jakim bolš za 40 hadoŭ. A epizadyčna hety razład prajaŭlajecca ŭ kožnaha mužčyny pad upłyvam abstavin.
U zaležnaści ad pryčyn isnujuć roznyja varyjanty lačeńnia — ad psichaterapii da chirurhičnaha ŭmiašańnia. Časta vykarystoŭvajucca preparaty ź siłfienafiłam, jaki ŭtrymlivaje i vijahra.
Što aficyjna nie ličycca mietadam lekavańnia hetaha zachvorvańnia, dyk heta fizičnyja praktykavańni.
Adnak apošnija daśledavańni pakazvajuć, što amal roŭnyja pa efiektyŭnaści vijahry aerobnyja praktykavańni. Heta značyć takija, jakija «razhaniajuć kroŭ»: bieh na doŭhija dystancyi, płavańnie, bieh na łyžach, kańkach, jazda na rovary — usio toje, dzie nahruzka siaredniaj intensiŭnaści, ale praciahłaja, i prymušaje serca pracavać intensiŭniej, u vyniku čaho kisłarod lepš dachodzić da myšcaŭ.
Jak piša Fitbook.de, da takoj vysnovy pryjšli amierykanskija vučonyja, jakija praviali mietaanaliz vynikaŭ papiarednich daśledavańniaŭ.
Daśledčyki vykarystoŭvali statystyčnyja mietady, kab vyvučyć, jak aerobnyja treniroŭki abo ich adsutnaść u kantrolnych hrupach upłyvajuć na erektylnyja rastrojstvy.
Dla acenki stupieni zachvorvańnia vučonyja prymianili mižnarodny indeks erektylnaj funkcyi (IIEF-EF), jaki źjaŭlajecca apytalnikam, jaki dazvalaje pastavić dyjahnaz erektylnaj dysfunkcyi i vyznačyć jaje ciažar. Hety indeks maje škału ad 6 da 30 bałaŭ, u jakoj bolš vysokaje značeńnie adpaviadaje lepšaj erekcyi. Vyniki daśledavańnia byli apublikavany ŭ Journal of Sexual Medicine u 2023 hodzie.
Praviedzieny analiz pakazaŭ, što aerobnyja treniroŭki pryvodziać da značnaha palapšeńnia IIEF-EF u paraŭnańni z kantrolnymi hrupami ludziej, jakija ich nie praktykujuć. Pry hetym bolš zaŭvažnym efiekt byŭ u tych, chto mieŭ bolš nizki indeks i, adpaviedna, bolš ciažkuju erektylnuju dysfunkcyju.
Tak, kali ŭ mužčyn z umieranaj erektylnaj dysfunkcyjaj indeks pavysiŭsia na 3,3 bała, a ŭ tych, chto mieŭ lohkuju stupień, — na 2,8 bała, to ŭ vypadku pacyjentaŭ ź ciažkaj erektylnaj dysfunkcyjaj palapšeńnie adbyłosia na 4,9 bała.
Aŭtary źviartajuć uvahu, što silfienafił, jaki ŭtrymlivajecca ŭ vijahry, u kliničnych vyprabavańniach pakazaŭ efiektyŭnaść u palapšeńni indeksa IIEF-EF jak minimum na 4 bały. Takim čynam, u krajnich vypadkach lepš dapamoža mienavita tabletka.
Tym nie mienš, daśledčyki padkreślivajuć, što rehularnyja aerobnyja treniroŭki, jakija palapšajuć pracu sardečna-sasudzistaj sistemy, mohuć być efiektyŭnaj alternatyvaj miedykamientoznamu lačeńniu, asabliva dla mužčyn ź ciažkaj erektylnaj dysfunkcyjaj (nizkim IIEF-EF-indeksam), a taksama tych, chto nie moža ci nie choča prymać leki praź ich mahčymyja pabočnyja efiekty.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary