Urad Bielhii ŭznačalić prychilnik bolšaj samastojnaści Fłandryi
Paśla amal vaśmimiesiačnych pieramoŭ u Bielhii ŭdałosia sfarmavać uradavuju kaalicyju. U Bielhii heta doŭhi praces, pakolki bolšaść partyj pradstaŭlajuć asobna frankamoŭnuju Vałoniju ci niderłandskamoŭnuju Fłandryju, piša «Radyjo Svaboda».
Bart De Vevier. Fota: AP Photo/Geert Vanden Wijngaert
Uradavuju kaalicyju ŭ Bielhii ŭpieršyniu ŭznačalić pravaja partyja N-VA. Premjer-ministram novaha pravacentrysckaha ŭrada stanie Bart De Vevier, lidar N-VA. 54-hadovy palityk da hetaha zajmaŭ pasadu mera partovaha horada Antvierpien.
Niahledziačy na toje, što ŭrad farmuje pravaja N-VA, partyi centrysckaha kirunku buduć zachoŭvać u kaalicyi bolšaść. N-VA sfarmuje kaalicyju razam ź libieralnaj partyjaj MR, chryścijanskimi demakratami abodvuch rehijonaŭ i fłamandskimi sacyjał-demakratami.
N-VA vystupaje za bolšuju samastojnaść Fłandryi, niderłandskamoŭnaj častki Bielhii, i nastojvaje na tym, kab jana i Vałonija, frankamoŭnaja častka, składali častki kanfiederatyŭnaj dziaržavy.
Čytajcie taksama:
ES vykarystaje karala Bielhii i zakon 1944 hoda, kab nie dać Orbanu razmarozić rasijskija reziervy
Biełaruskim žurnalistam u vyhnańni akaža ščodruju padtrymku Fłandryja