Śviet55

ES vykarystaje karala Bielhii i zakon 1944 hoda, kab nie dać Orbanu razmarozić rasijskija reziervy

Premjer-ministr Vienhryi Viktar Orban pastaviŭ pad pahrozu praciah sankcyj suprać Rasii ŭ kancy studzienia. Z prychodam administracyi Donalda Trampa ich treba admianić, ličyć jon. Takaja pahroza prymusiła Brusel raspracoŭvać płany pa vyratavańni chacia b častki abmiežavalnych mier, piša The Moscow Times.

Viktar Orban. Fota: Thanassis Stavrakis / AP

«Pryjšła para adkinuć sankcyi i pabudavać biezsankcyjnyja adnosiny z ruskimi», — zajaviŭ Viktar Orban u piatnicu na dziaržaŭnym radyjo.

Administracyja Trampa źbirajecca pačać z nastupnaha tydnia «novuju epochu», i ŭ ES pojdzie «paru miesiacaŭ» na toje, kab źmianić svaju pazicyju pa sankcyjach, miarkuje Orban. Jon nie skazaŭ, što nakładzie vieta na ich praciah, kali 31 studzienia skončycca čarhovy paŭhadavy termin. Ale ŭ śniežni vuhorski lidar papiaredziŭ kaleh pa ES, što nie hatovy adnaŭlać sankcyi: jon čakaje inaŭhuracyi Trampa, i kali toj navažycca źmiakčyć ich, to jon, Orban, budzie namahacca, kab Brusel pajšoŭ śledam za Vašynhtonam.

Pakolki praciah sankcyj patrabuje adnahałosnaha ŭchvaleńnia lidarami ŭsich krain ES, demarš Orbana, kali jon na jaho navažycca, aŭtamatyčna pryviadzie da skasavańnia mieraŭ — ad naftavaha embarha i siektaralnych sankcyj da zamarozki valutnych reziervaŭ. Tamu ŭ Bruseli stali šukać sposaby zachavać chacia by niekatoryja ryčahi cisku na Rasiju — prynamsi, nie dać joj viarnuć 190 młrd jeŭra, jakija znachodziacca ŭ depazitaryi Euroclear, piša Financial Times.

Dla hetaha daviadziecca vykarystać nacyjanalnyja abmiežavańni. Pakolki fizična aktyvy zachoŭvajucca ŭ bielhijskaj kampanii, adnym z zapasnych varyjantaŭ źjaŭlajecca vykarystańnie vajennaha dekreta, pryniataha ŭ 1944 hodzie, raskazali haziecie čatyry čynoŭniki, jakija ŭdzielničajuć u abmierkavańni. Jon dazvalaje karalu Filipu błakavać vyvad aktyvaŭ z krainy. U pres-słužbie karala Bielhii zajavili, što pastanovu ab dekrecie prymaje ŭrad, ale manarch pavinien budzie jaho padpisać.

Aktyvy ŭ Euroclear składajuć bolšuju častku zabłakavanych zachodnimi krainami valutnych reziervaŭ Rasiei (kala $300 młrd). Dachod ad ich vykarystoŭvajecca ŭ jakaści zakładu pa kredytach na $50 młrd, jakija krainy «Vialikaj siamiorki» i ES vyrašyli dać Ukrainie. Aktyvy patrebnyja, kab na praciahu dziasiatka hadoŭ atrymlivać dachody, ź jakich buduć pahašacca vydadzienyja kredyty.

Ale ŭ vypadku admieny sankcyj «hrošy apynucca ŭ Rasii na nastupny ž dzień», pakolki ŭ finansavych pasiarednikaŭ nie budzie zakonnych padstaŭ ich utrymlivać, skazaŭ FT adzin z čynoŭnikaŭ. «Ja surjozna hetym zaniepakojeny, i inšyja taksama pavinny turbavacca, — skazaŭ vysokapastaŭleny dypłamat ES, jaki viadzie rehularnyja pieramovy ź vienhierskimi čynoŭnikami. — Imaviernaść taho, što Orban nie prahniecca, vialikaja».

«Ciapier u administracyi ZŠA adbyvajucca značnyja źmieny… pavinien adbycca źmiastoŭny abmien dumkami, pierš čym my vyrašym praciahnuć režym sankcyj jašče na šeść miesiacaŭ, — zajaviŭ u čaćvier žurnalistam Janaš Boka, ministr pa spravach ES Vienhryi. — My chočam adkłaści našu pastanovu datul, pakul nie daviedajemsia, jak administracyja ZŠA bačyć budučyniu sankcyjnaha režymu».

Skot Biesent, kandydaturu jakoha Tramp prapanavaŭ na pasadu ministra finansaŭ ZŠA, na słuchańniach u Sienacie ŭ čaćvier vykazaŭsia za ŭzmacnieńnie žorstkaści sankcyj suprać Rasii z metaj prymusić Uładzimira Pucina da pieramoŭ pa Ukrainie. Daradcy Trampa raspracoŭvajuć maštabnuju sankcyjnuju stratehiju, zaklikanuju spryjać dasiahnieńniu dypłamatyčnaha pahadnieńnia pamiž Rasijaj i Ukrainaj, paviedamiŭ Bloomberg.

Adzin z dvuch padychodaŭ sapraŭdy praduhledžvaje źmiakčeńnie sankcyj suprać rasijskich naftavytvorcaŭ, kali heta dapamoža dasiahnuć mirnaj damoŭlenaści. Ale druhi varyjant zaklučajecca va ŭzmacnieńni strohaści sankcyj z metaj uzmacnić cisk na Maskvu.

Kamientary5

  • Baradzied
    17.01.2025
    Krieml opriedielenno płatit Orbanu. Hdie Orban priačiet eti dieńhi?
  • Vo dzie
    17.01.2025
    Baradzied, priačiet tam hdie i kuroŝup - na arabskich sčietach
  • Hala z Kamaroŭki
    17.01.2025
    Vienhryja, Vuhorščyna, vienhierski, vuhorski - NN, jak mnie, narodžanaj pry sssr tietcy, vyvučyć našu movu? U škole ja vyvučała "narkomaŭku", siarod svaich razmaŭlała na "trasiancy", da nieznajemych źviartałasia na čysta rasiejskaj. I višanka na torcie: ES - heta što?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier

Usie naviny →
Usie naviny

Brytanija zajaviła, što HRU zadoŭha da atručvańnia Julii Skrypal uzłamała jaje imejł

Biełaruska atrymała dazvoł na pražyvańnie ŭ Polščy paśla pieršapačatkovaj admovy

8000 jeŭra Siarhieju Cichanoŭskamu sabrali za pałovu dnia13

Chłopca z Rahačova pryznali nieadekvatnym i vyzvalili ad pakarańnia, ale ŭsio roŭna ŭnieśli ŭ śpis «ekstremistaŭ». Jak tak?1

Kubrakoŭ, viarnuŭšysia ź sielektarnaj narady ŭ Łukašenki, zrazu ž sklikaŭ svaju — pa toj ža schiemie17

Žychary šmatpaviarchovika ŭ centry Minska stracili son praź śpieŭ paŭlinaŭ3

U Minsku demantavali pamiatnyja znaki ŭ honar milicyi. Jany nie prastajali i dvuch hadoŭ FOTAFAKT6

U Jeŭropie naradžalnaść na histaryčna najnižejšym uzroŭni. I navat prasiamiejnaja palityka nie dapamahaje5

Biełarusam z 11-miesiačnym dziciom nie dali palacieć na Kipr pa polskim prajaznym dakumiencie. Dačapilisia da dziciaci12

bolš čytanych navin
bolš łajkanych navin

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier

Hałoŭnaje
Usie naviny →

Zaŭvaha:

 

 

 

 

Zakryć Paviedamić