Ułady ZŠA aryštavali druhi samalot, jaki naležyć vieniesuelskamu lidaru Nikałasu Maduru
Biźnies-džet Dassault Falcon 200EX z rehistracyjnym numaram YV-3360 byŭ raniej kanfiskavany i z krasavika minułaha hoda znachodziŭsia ŭ aeraporcie stalicy Daminikanskaj Respubliki Santa-Daminha.
Nikałas Madura. Fota: Matias Delacroix / AP
Tam ža prajšła simvaličnaja cyrymonija — na dźviery samalota nakleili ordar na aryšt u prysutnaści dziaržsakratara ZŠA Marka Rubia, jaki znachodzicca ŭ Daminikanie z aficyjnym vizitam, piša Bi-bi-si.
Pavietranaje sudna było nabyta ŭ 2017 hodzie vieniesuelskaj dziaržaŭnaj naftavaj kampanijaj PDVSA u ZŠA. Paśla ŭviadzieńnia sankcyj suprać PDVSA samalot «nieadnarazova absłuhoŭvaŭsia i ramantavaŭsia z vykarystańniem detalaŭ z ZŠA», što parušaje amierykanskija zakony ab ekspartnym kantroli i sankcyjach.
U bližejšy čas samalot pierapraviać u Majami. Pieršy biznes-džet Madura ŭłady ZŠA kanfiskavali ŭ vieraśni, paśla čaho jaho taksama pieravieźli z Daminikany ŭ Fłarydu.