Litva źmianiła praviły ŭjezdu dla aŭtamabilaŭ ź biełaruskimi numarami
Z 15 lutaha ŭstupili ŭ siłu novyja praviły pierasiačeńnia miažy Litvy na aŭtamabilach ź biełaruskaj rehistracyjaj. Zaraz zajechać u krainu zmohuć tolki peŭnyja katehoryi kiroŭcaŭ i transpartnych srodkaŭ.
Lehkavy aŭtamabil ź biełaruskimi numarami moža pierasiakać miažu Litvy, kali jon: naležyć hramadzianinu Biełarusi, jaki maje litoŭskuju vizu abo dazvoł na žycharstva ŭ Litvie, i vykarystoŭvajecca dla asabistych pajezdak u ES; naležyć hramadzianinu krainy ES, jaki pražyvaje ŭ Biełarusi i kiruje aŭtamabilem u asabistych metach.
Va ŭsich astatnich vypadkach dla ŭjezdu patrabujecca śpiecyjalny dazvoł Ministerstva ekanomiki i inavacyj Litvy zhodna z umovami Rehłamientu Rady ES №765/2006.
Za rulom transpartnaha srodku pavinien być uładalnik aŭto.
Aŭtamabili, zarehistravanyja na jurydyčnyja asoby abo vykarystoŭvajucca ŭ kamiercyjnych metach, ujazdžać u Litvu nie mohuć.
Za parušeńnie novych praviłaŭ praduhledžany štrafy i kanfiskacyja transpartnaha srodku.