BIEŁ Ł RUS

Łukašenka zaprasiŭ naviedać Biełaruś prezidenta Sierbii

15.02.2025 / 18:14

Nashaniva.com

Alaksandr Łukašenka 15 lutaha pavinšavaŭ prezidenta Sierbii Alaksandra Vučyča z Dniom dziaržaŭnaści Sierbii i zaprasiŭ jaho pryjechać u Biełaruś.

Alaksandr Łukašenka z Alaksandram Vučyčam

Pavodle słoŭ pres-słužby Łukašenki, Minsk i Białhrad «pryjarytetnuju ŭvahu nadajuć handlova-inviestycyjnym prajektam, humanitarnamu supracoŭnictvu, pierajemnaści tradycyjnych kaštoŭnaściaŭ». Taksama zajaŭlena pra padtrymku «ŭ spravach suvierenitetu i terytaryjalnaj cełasnaści Sierbii».

Vučyč byŭ pieršym siarod kiraŭnikoŭ jeŭrapiejskich dziaržaŭ, jakija pavinšavali Łukašenku z «pieramohaj na vybarach» 26 studzienia. Vinšavańnie ad jaho pryjšło praz dva dni hałasavańnia. Akramia jaho, ź Jeŭropy pa-za miežami byłoha SSSR Łukašenku nichto aficyjna nie vinšavaŭ.

Vučyč i Łukašenka ŭzajemna naviedvali Minsk i Białhrad u 2019 hodzie. Ich apošniaja na hety momant sustreča adbyłasia ŭ listapadzie minułaha hoda ŭ Baku na palach Suśvietnaha klimatyčnaha samitu.

Akramia taho, u 2017 hodzie ciapierašni prezident Sierbii naviedvaŭ Biełaruś u jakaści premjer-ministra krainy.

Čytajcie taksama:

Łukašenka atrymaŭ vinšavańnie z «pieramohaj» na vybarach ad prezidenta Hruzii

Małdova aficyjna zajaviła pra niepryznańnie vybaraŭ Łukašenki

Łukašenka dačakaŭsia vinšavańnia ad prezidenta Irana

Jakija krainy vinšavali Łukašenku ź pieramohaj u 2020-m, a ciapier ihnarujuć jaho «pieraabrańnie»

Si Czińpin pavinšavaŭ Łukašenku

Kamientary da artykuła