Livijskaha fieldmaršała Chaftara ŭ Minsk pryvieźli na samalocie Łukašenki
Boeing 737-800 z bartavym numaram EW-001PA u noč z 16 na 17 lutaha vylecieŭ ź Minska ŭ Bienhazi i ŭ toj ža dzień viarnuŭsia nazad.
Fota: Livijskaja nacyjanalnaja armija
Na tak zvanym prezidenckim samalocie ŭ Biełaruś pryvieźli Viarchoŭnaha hałoŭnakamandujučaha Livijskaj nacyjanalnaj armijaj fieldmaršała Chalifu Biełkasima Chaftara, piša Reform.news.
Toj fakt, što livijski lidar vykarystaŭ asabisty samalot Łukašenki, u aficyjnaj fotaspravazdačy BiełTA pasprabavali schavać. Adnak livijski bok apublikavaŭ sieryju zdymkaŭ z aeraporta ŭ Minsku na fonie borta z čyrvona-zialonaj liŭrejaj i nadpisam «Biełaruś».
Nahadajem, što ŭ aeraporcie Chaftara sustreŭ staršynia KDB Ivan Cierciel.
Chalifa Chaftar prylacieŭ učora ŭ Minsk razam sa svaim synam hienierał-lejtenantam Sadamam Chaftaram, načalnikam štaba suchaputnych vojskaŭ, ziaciem i kiraŭnikom svajoj kancylaryi hienierał-lejtenantam Ajuubam Busejfam, a taksama hienierał-majoram Basimam al-Buajšy.
Abvieščanaja meta vizitu — uzajemadziejańnie Livii i Biełarusi ŭ humanitarnaj i sacyjalnaj śfierach, a taksama ekanamičnaje supracoŭnictva.