ZŠA i Rasija damovilisia ab adnaŭleńni raniejšaj kolkaści štatu pasolstvaŭ

Złučanyja Štaty Amieryki i Rasija damovilisia ab adnaŭleńni kolkaści supracoŭnikaŭ dypłamatyčnych misij u Maskvie i Vašynhtonie. Jak paviedamlaje Associated Press, pra heta zajaviŭ dziaržaŭny sakratar ZŠA Marka Rubia paśla pieramoŭ z rasijskaj delehacyjaj, jakija prajšli ŭ Saudaŭskaj Aravii.

Marka Rubia (u centry) i amierykanskaja delehacyja na pieramovach z Rasijaj u Saudaŭskaj Aravii. Fota: Evelyn Hockstein/Pool Photo via AP

Pa słovach Rubia, paŭnavartasnaja praca dypłamatyčnych misij nieabchodnaja dla padtrymańnia kanałaŭ suviazi pamiž krainami.

«Nam spatrebiacca aktyŭnyja ambasady, jakija zmohuć efiektyŭna funkcyjanavać, kab my mahli praciahvać dypłamatyčnuju pracu», — skazaŭ jon.

Jon dadaŭ, što prezident ZŠA Donald Tramp imkniecca zabiaśpiečyć spraviadlivaje zaviaršeńnie kanfliktu, kab paźbiehnuć jaho adnaŭleńnia praź niekalki hadoŭ. Adnak, padkreśliŭ Rubia, zakančeńnie vajny mahčyma tolki pry zhodzie ŭsich bakoŭ, a ŭmovy pavinny być «prymalnymi» dla ŭsich udzielnikaŭ.

Raniej Rasija i ZŠA nieadnarazova abmieńvalisia vysyłkami dypłamataŭ. Z 2000 hoda Złučanyja Štaty vysłali ŭ ahulnym liku 225 rasijskich supracoŭnikaŭ dypłamatyčnych misij, što robić ich lidarami siarod zachodnich krain pa hetym pakazčyku. U vieraśni 2023 hoda MZS Rasii abviaściła piersonami non hrata dvuch amierykanskich dypłamataŭ — pieršaha i druhoha sakrataroŭ ambasady ZŠA, Džefry Silina i Devida Biernstajna. Rasijski bok abvinavaciŭ ich u «supraćpraŭnaj dziejnaści i ŭmiašańni va ŭnutranyja spravy Rasii».

Kamientary da artykuła