Śviet4141

Stali viadomyja važnyja ŭmovy dla mirnaha pahadnieńnia pamiž Rasijaj i Ukrainaj

Siońnia ŭ Er-Ryjadzie prajšli pieramovy pamiž Rasijaj i ZŠA. Baki damovilisia na stvareńnie pracoŭnych hrup pa vajnie va Ukrainie i dalejšaje supracoŭnictva.

RF i ZŠA prapanujuć trochstupienny mirny płan, jaki ŭklučaje spynieńnie ahniu, vybary va Ukrainie, a zatym padpisańnie kančatkovaha mirnaha pahadnieńnia, paviedamlaje Fox News pa spasyłkaj na krynicy.

Pa infarmacyi vydańnia, Tramp i Pucin ličać šancy na pieravybrańnie Zialenskaha nizkimi. Pa słovach kiraŭnika rasijskaha MZS Siarhieja Łaŭrova, infarmacyja pra «trochstupienny mirny płan» — fejk.

Akramia taho, dziaržsakratar ZŠA Marka Rubia zajaviŭ, što Rasija i ZŠA damovilisia adnavić raniejšuju kolkaść štata ambasadaŭ u Maskvie i Vašynhtonie, piša Associated Press.

Paźniej pres-słužba Biełaha doma paviedamiła, što ŭdzielniki sustrečy damovilisia ab dalejšym supracoŭnictvie, stvareńni pracoŭnych hrup pa spynieńni vajny i stvareńni miechanizma dla budučych kansultacyj.

«Adnaho telefonnaha zvanka, za jakim idzie adna sustreča, niedastatkova dla ŭstanaŭleńnia tryvałaha miru. My pavinny dziejničać, i siońnia my zrabili važny krok napierad», — skazana ŭ zajavie.

Pieramovy Rasii i ZŠA pačalisia ranicaj 18 lutaha. Pradstaŭnikoŭ Ukrainy na ich nie było. Amierykanski bok pradstaŭlali dziaržsakratar Marka Rubia, savietnik pa nacbiaśpiecy Majk Uołtc i śpiecpasłańnik pa pytańniach Blizkaha Uschodu Styŭ Uitkaf.

Ad Rasii prysutničali kiraŭnik MZS Siarhiej Łaŭroŭ, źniešniepalityčny savietnik Pucina Juryj Ušakoŭ i kiraŭnik Rasijskaha fondu pramych inviestycyj Kirył Dźmitryjeŭ.

Kamientary41

  • %
    18.02.2025
    Nu kali nie ŭsie, to šmat čaho ŭ ich atrymajecca i ŭ Vovy piersanalna
  • H.
    18.02.2025
    a ŭ rašcy vybary nie ŭniesli ŭ paviestku ?
  • Josik
    18.02.2025
    Tramp i pažyćciova abrany pucin ličać šancy pieraabrańnia Uładzimira Zialenskaha prezidentam Ukrainy nizkim? A kali abiaruć, bo jon nie zdaŭsia rasiei i nie schavaŭsia, što tady, pačniecie novyja ŭmovy dyktavać? Nielha apaśla nadychodu piensijnaha ŭzrostu ŭ krainie pracavać prezidentam, čym hetaja pasada adroźnivajecca ad nastaŭnika, tokar, kiroŭcy, urača?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Kiraŭnik «Jeŭraopta» vyjšaŭ na svabodu2

Kiraŭnik «Jeŭraopta» vyjšaŭ na svabodu

Usie naviny →
Usie naviny

Biełarus znajšoŭ na nabytym učastku dziŭnyja rečy na vypadak apakalipsisu

«Šykoŭny restaran №1». Jak vyhladaje abnoŭlenaja stałovaja harvykankama ŭ Breście5

U Minsku piaty hod žyvie finski biznesoviec sa śpisu samych šukanych Eŭrapołam złačyncaŭ2

Brytanija, Francyja i Kanada pryhrazili Izrailu «kankretnymi dziejańniami»7

Tramp zajaviŭ, što hatovy adstupić ad pieramovaŭ pamiž Ukrainaj i RF, kali nie budzie prahresu12

U MARH pryznalisia, što prablemy z cybulaj dla ich nie niečakanyja4

Zialenski paśla razmovy z Trampam: Vyvodzić našy vojski z našych terytoryj nichto nie budzie4

Kamu Łukašenka apošnim časam daviaraje svaju achovu?7

Vy — pracaholik i časta pierapracoŭvajecie? Navukoŭcy vyśvietlili, jak heta źmianiaje mozh6

bolš čytanych navin
bolš łajkanych navin

Kiraŭnik «Jeŭraopta» vyjšaŭ na svabodu2

Kiraŭnik «Jeŭraopta» vyjšaŭ na svabodu

Hałoŭnaje
Usie naviny →

Zaŭvaha:

 

 

 

 

Zakryć Paviedamić