Siłaviki pryjšli da paplečnika Bondaravaj
Pra heta eks-kiraŭnik patryjatyčnaha centra ŭ Bresckaj krepaści Piatro Picko paviedamiŭ u sacsietkach.
Piatro Picko. Fota: vk.com
«Zabaronienych pradmietaŭ ni ŭ mianie doma, ni doma ŭ maich baćkoŭ niama. Ekstremisckija materyjały ja nie raspaŭsiudžvaju», — napisaŭ jon.
Miarkujučy pa ŭsim, jaho nie zatrymali, a tolki praviali vobšuk. Z čym byŭ źviazany vizit siłavikoŭ, Picko nie ŭdakładniŭ. Ale ŭ kamientaryjach źjaviłasia takaja replika ad jaho:
«Piedafilija, vandalizm, niezakonnaja pradprymalnickaja dziejnaść, čornaje kapalnictva, handal savieckimi ordenami, ekstremizm… praściej znajści toje, u čym mianie jašče nie sprabavali vinavacić».
Picko dadaŭ, što «razumieje, što kamuści vielmi nie padabajecca».
Piatro Picko — pošukavik, były druhi sakratar Bresckaha haradskoha kamiteta BRSM. U 2018 hodzie jon byŭ pryznačany kiraŭnikom moładzievaha patryjatyčnaha centra na terytoryi Bresckaj krepaści, piša «Zierkało».
Paśla hetaha jon biez uzhadnieńnia z uładami pasprabavaŭ «dobraŭparadkavać» zakinutyja kazarmy na terytoryi miemaryjalnaha kompleksu. Razam z hrupaj adnadumcaŭ jon śpiłavaŭ kusty i drevy vakoł kazarmaŭ, raźbityja vokny zamianiŭ na baniery z fotazdymkami vajennych rekanstruktaraŭ va ŭniformach sałdat Čyrvonaj Armii, a taksama ŭziaŭsia za abnaŭleńnie savieckich łozunhaŭ epochi Stalina.
Miascovyja ŭłady pryznali hetyja pracy psavańniem kulturnaj kaštoŭnaści. Aktyvistu dali štraf, sam jon paźniej pakinuŭ pasadu kiraŭnika moładzievaha centra.
Akramia taho, Picko — adzin z paplečnikaŭ adyjoznaj prapahandystki Volhi Bondaravaj, udakładniaje vydańnie.
Čytajcie taksama:
Mukavozčyk: Bondarava zadrała ŭžo
Saŭna, u jakuju ŭziali na pracu Bondaravu, niaprostaja. Joj kiruje sieryjny danosčyk-kamunist