Prapahandyst z «SB. Biełaruś siehodnia» Andrej Mukavozčyk u svaim telehram-kanale raskrytykavaŭ danosčycu Volhu Bondaravu. Kaža, što jaje dziejnaść niepatrebna Biełarusi.
«U pavodzinach tramvajnaha chama taksama ž, kali pašukać, možna vyjavić «ziernie iściny». Ale lepš jaho spačatku vyvieści z transpartu i … — i ŭsio. Niama sensu z chamam abo skandalistkaj mieć spravu», — napisaŭ jon.
U vialikim dopisie z krytykaj Bondaravaj Mukavozčyk nazyvaje jaje «inoahientom», jakoha nie lubić amal tak ža, jak i biełaruskich apazicyjanieraŭ.
Tryhieram dla Mukavozčyka stała pazicyja Bondaravaj adnosna rasijskaha biznesmiena ź Jaškar-Ały. Pra jaho ŭ kanale prarasijskaj aktyvistki źjavilisia čatyry dopisy, try ź ich — ad rasijskaha palityka Ramana Juniemana.
«Heta značyć, Bondarava z adnolkavaj hatoŭnaściu kidajecca vučyć pravilna žyć nie tolki Biełaruś, ale i Maryj Eł (respublika ŭ składzie RF — NN.). Jano-to pachvalna, voś tolki padatki z hetaj dziejnaści, upeŭnieny, nie płaciacca».
Mukavozčyk ličyć, što dziejnaść danosčycy ź jaje napadkami na biełaruskuju movu i «ekstremizmam nazvaŭ» nielha ličyć karysnymi dla Biełarusi.
«Tamu dałučusia da tych, chto ŭžo heta skazaŭ: zadrała ŭžo, prabačcie», — skončyŭ jon.
Andrej Mukavozčyk — prapahandyst ź dziaržaŭnaha vydańnia «SB. Biełaruś siehodnia», jaki prasłaviŭsia svaimi abraźlivymi kałonkami na temu biełaruskaj apazicyi. U studzieni jon zaklikaŭ tvorčuju intelihiencyju publična padtrymlivać represii.
Suprać Bondaravaj jon vystupaje nie ŭpieršyniu — u sakaviku minułaha hoda jon rezka raskrytykavaŭ jaje z paplečnikami padčas vystupleńnia na mižnarodnym simpoziumie «Piśmieńnik i čas», praviedzienym praŭładnymi litaratarami ŭ Nacyjanalnaj biblijatecy napiaredadni štohadovaha knižnaha kirmaša ŭ Minsku.
Apošniaje miesca pracy danosčycy Bondaravaj — kruhłasutačnaja saŭna. Ale pasada nieviadomaja
Saŭna, u jakuju ŭziali na pracu Bondaravu, niaprostaja. Joj kiruje sieryjny danosčyk-kamunist
550 rubloŭ za adzin artykuł. Kolki prapahandysty ŭ SB zarabili na ačarnieńni Bialackaha, Daškieviča i Zołatavaj
«Pavinna stajać kali i nie ŭ pieršych, dyk u šerahach». Mukavozčyk zaklikaŭ tvorčuju intelihiencyju publična padtrymlivać represii
«Strašna toje, što jany robiać u ramkach Sajuznaj dziaržavy». Suprać Bondaravaj i jaje kamandy vystupiŭ navat Mukavozčyk
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja8
Kamientary