U Polščy zabrali čempijanat Jeŭropy pa ciažkaj atletycy z-za biełaruskich i rasijskich spartsmienaŭ
U Polščy letam 2025 hoda pavinien byŭ prajści čempijanat Jeŭropy pa ciažkaj atletycy siarod spartsmienaŭ ad 15 da 17 hadoŭ. Ale jaho pieranieśli ŭ Madryd praź niemahčymaść vydać polskija vizy biełaruskim i rasiejskim udzielnikam, piša Most.
Zdymak ilustracyjny. Fota: freepik.com
Prava praviadzieńnia spabornictvaŭ było dadziena Polščy Jeŭrapiejskaj fiederacyjaj ciažkaj atletyki (EWF) u 2024 hodzie. Adnak na minułym tydni Rada EWF prahałasavała za pieranos čempijanatu ŭ Madryd.
Pryčyna pieranosu mierapryjemstva ŭ stalicu Ispanii — niemahčymaść vydačy ŭjaznych viz u Polšču spartsmienam ź Biełarusi i Rasii, jakija pavinny byli vystupać u spabornictvach pad niejtralnym ściaham i biez aficyjnaha pradstaŭleńnia svaich krain (Individual Neutral Athletes).
Uvosień 2024 hoda ŭ polskim Rašynie bieź jakich-niebudź prablem prajšli čempijanat Jeŭropy siarod junijoraŭ da 20 hadoŭ i čempijanat Jeŭropy siarod moładzi da 23 hadoŭ. U Ispanii ž prablemy ź vizami mohuć paŭstać u zbornaj Kosava, pakolki Madryd nie pryznaje niezaležnaść krainy.
Čytajcie taksama:
Viartańnie biełaruskich bijatłanistaŭ na mižnarodnyja spabornictvy zaraz navat nie razhladajecca