Šarenda-Panasiuk patłumačyła, čamu ŭ źniavoleńni admaŭlałasia ad telefonnych zvankoŭ dadomu
«Ja razumieła, što dla hetaj sistemy heta budzie prosta dadatkovaja nahoda dla cisku», — kaža byłaja palitźniavolenaja.
Palina Šarenda-Panasiuk. Skryn videa: malina_by / YouTube
U novym vypusku tok-šou «Žyćcio-malina» Palina Šarenda-Panasiuk zaŭvažyła, što dla jaje emacyjna ciažkim staŭ momant telefonnaj razmovy z maci ŭ dzień vyzvaleńnia. Heta była pieršaja telefonnaja razmova za ŭsie hady źniavoleńnia, bo žančyna pryncypova admaŭlałasia ad telefonnych zvankoŭ i spatkańniaŭ.
«Ja razumieła, što dla sistemy heta budzie prosta dadatkovaja nahoda niejak šantažavać, rabić cisk, nie dajučy [patelefanavać ci sustrecca], što jany i robiać ź inšymi palitviaźniami. Tamu ja pryncypova ad hetaha ŭsiaho admaŭlałasia, nie dajučy im takoha ryčaha dla cisku na mianie».
Palina zhadvaje, što telefonny zvanok da jaje maci arhanizavała administracyja kałonii: «U mianie nie było nijakaj telefonnaj kartki. Jany znajšli niejkuju kartku i dali prosta patelefanavać maci: što ŭsio, ja vychodžu a takoj-ta hadzinie. Pryjazdžajcie, sustrakajcie.
Ja raspłakałasia, maci raspłakałasia. Tady prosta razumieješ, što napeŭna, usio ŭžo. Kali dali patelefanavać, [značyć], usio ž ja vychodžu».
Čytajcie taksama:
Palina Šarenda-Panasiuk zhadała samy trahičny momant u źniavoleńni
Šarenda-Panasiuk adkazała Paźniaku: Prapanujcie siabie na miesca palitviaźniaŭ
«Adśviatkavać pačatak novaha žyćcia». Byłyja palitviaźni pra pačućci i kachańnie