Šarenda-Panasiuk adkazała Paźniaku: Prapanujcie siabie na miesca palitviaźniaŭ
Byłaja palitźniavolenaja Palina Šarenda-Panasiuk adkazała viadomamu hramadskamu dziejaču Zianonu Paźniaku na vykazanuju im u intervju «Radyjo Svaboda» krytyku na jaje adras. Paźniaku nie spadabałasia, što dla taho, kab vyjści z turmy, žančyna padpisała farmalnuju zhodu na supracoŭnictva z KDB. Tekst adkazu Paliny raźmiaściŭ u fejsbuku jaje muž Andrej Šarenda.
Palina Šarenda-Panasiuk padkreślivaje, što «palitviaźni — heta zakładniki režymu Łukašenki», i pieraličvaje vypadki, kali jany imi być pierastajuć:
- Ich vykuplajuć;
- Ich abmieńvajuć;
- Ich vyzvalajuć u vyniku siłavoj apieracyi pa vyzvaleńni zakładnikaŭ/ultymatyŭnaha cisku na zachopnikaŭ;
- Ich zabivajuć;
- Jany zabivajuć siabie sami.
«Zrazumieła, pieršyja try varyjanty nam nie ŭśmichnulisia. Biełaruskim zakładnikam pakinuli tolki dva apošnija. Vyratavańnie tapielcaŭ — sprava ruk samich tapielcaŭ: pierad takim faktam pastavili nas katy — pamiłoŭka + intervju + papierka ab supracoŭnictvie. Tolki tak, adnym pakietam. Nijakich inšych varyjantaŭ», — piša Palina.
Svaju papieru ab zhodzie na supracoŭnictva z KDB jana napisała, jak padkreślivaje,
«pad dyktoŭku 24 śniežnia 2024 i 3 lutaha 2025, nie ŭ 2010-ch, nie ŭ 2021 ci 2023. Prajšoŭšy 270 pačvarnych dzion teroru ŠIZA, hod PKT i dziasiatki piakielnych etapaŭ. Viedajučy, što ani siekundy nie źbirajusia być «Edelviejsam», što maju imhnieńni na toje, kab uciačy z kancłahieru pad nazvaj RB, ryzykujučy žyćciom».
Paśla taho jana robić Zianonu Paźniaku prapanovu:
«Jość usio ž jašče adzin mietad vyratavańnia zakładnikaŭ — kali chtości prapanuje siabie na ichniaje miesca. U łukašysckich łahierach śmierci zastalisia Viktoryja Kulša, Volha Majorava, Alena Hnaŭk.
Kali Łukašenka taki miłaserny, kali prysłuchoŭvajecca da vas — prapanujcie siabie na ich miesca. Paspytajcie taho, praz što režym prapuściŭ ich. I tady, kali zastanieciesia žyvyja, zdarovyja, pry rozumie, nie ŭźnienavidzicie ŭvieś śviet, my abmiarkujem z vami maralnyja baki pytańnia».
Nahadajem, što, krytykujučy Palinu Šarendu-Panasiuk, Zianon Paźniak skazaŭ u tym liku nastupnaje:
«Ja chaču skazać tym, jakija siadziać u turmie. Kali b tolki jany mianie pačuli. Padpisvać možna lubyja pamiłoŭki, usio, što jany tam prosiać. Tamu što vas kinuli jak zakładnikaŭ, vas niezakonna padstavili. I tamu na heta surjozna nie treba źviartać uvahi, kali jany prosiać tam im pamiłoŭku napisać. Hroš cana hetaj pamiłoŭcy. Hałoŭnaje vyjści. Ale jany vas nie vypuściać. Jany chočuć, kab vy padpisali supracoŭnictva z KDB. Nikoli heta nie rabicie. Heta tabu. Heta zakon. Hetaha rabić nielha».
Rabić hetaha, na jahonuju dumku, nielha, bo:
«Vy nikoli ad ich nie adkaraskajeciesia. Nie razumiejuć hetaha ludzi. Heta taktyka hebe. Durni paŭtarajuć adzin adnaho ŭvieś čas».
Paźniak: «Ja časta pamylaŭsia ŭ ludziach. Samy prosty prykład — Palina Šarenda-Panasiuk»
Paźniak pra 1990-ja: «Nichto nie zrabiŭ bolšaj škody dla nacyjanalnych intaresaŭ Biełarusi, čym heta istota». Pra kaho jon?
Paźniak vitaje mahčymuju ździełku «vyzvaleńnie palitviaźniaŭ» u abmien na sankcyi
Šarenda-Panasiuk adkazała Paźniaku pra jaho ŭdzieł u jaje vyzvaleńni i Harbunovaj pra «biessensoŭnaść baraćby»
Kamientary
Polinie dažie otviečať nie stoiło...