Karpača z burakoŭ

Buraki — adzin z samych karysnych vidaŭ harodniny. Jany dapamahajuć zmahacca z aniemijaj, umacoŭvajuć imunitet, źnižajuć uzrovień drennaha chalesterynu i navat abaraniajuć ad razmnažeńnia rakavych kletak. Akramia tradycyjnych viniehretu, baršču i sieladca pad šubaj prapanujem vam pryhatavać z burakoŭ niešta asablivaje.

Fota: przepisy.pl

Kab pryhatavać karpača z burakoŭ, spatrebicca:

• 2 vialikija buraki,
• sušany razmaryn — 1 čajnaja łyžka,
• sušany čabor — 1 čajnaja łyžka,
• marskaja sol — 1 čajnaja łyžka,
• rukała — 250 hramaŭ,
• čornyja aliŭki — 100 hramaŭ,
• kapiersy — 60 hramaŭ,
• syr fieta — 150 hramaŭ,
• časnočnaja sałatnaja zakrasa, 
• alej, najlepš aliŭkavy — 80 mł + 3 st. ł.,
• vada — 3 st. ł.,
• sok adnaho limona — mililitraŭ 50

1. Vymyjcie buraki, vysušycie, apyrskajcie alejem (80 mł), pasypcie razmarynam, čabarom i marskoj sollu.

2. Zaharnicie buraki sa śpiecyjami i alejem u aluminijevuju folhu i zapiakajcie ŭ papiarednie razahretaj duchoŭcy pry 190 hradusach 90 chvilin.

3. Pa zakančeńni hetaha času astudzicie buraki i narežcie ich tonkimi łustačkami.

4. Pakul buraki zapiakajucca, vymyjcie rukału, narežcie aliŭki, kapiersy i raskryšycie syr fieta.

5. Źmiašajcie časnočnuju sałatnuju zapraŭku z tryma stałovymi łyžkami aleju, vadoj i limonnym sokam.

6. Vykładzicie łustački burakoŭ adnu za adnoj na płoskuju talerku, źvierchu pakładzicie aliŭki, kapiersy, rukału i syr fieta. Palicie pryhatavanym sousam.

Jašče adna varyjacyja z padobnych praduktaŭ, ale inšym smakavym akcentam — sałata z buraka i syru fieta — idealny bałans sałodkaha i salonaha.

Kamientary da artykuła