Mark Rute paśla razmovy z Trampam anansavaŭ miljardy dapamohi Ukrainie
Hienieralny sakratar NATA Mark Rute paśla telefonnaj razmovy z prezidentam ZŠA Donaldam Trampam zajaviŭ, što členy Aljansu praciahnuć padtrymlivać Ukrainu, paviedamlaje «Jeŭrapiejskaja praŭda».
Mark Rute. Fota: AP Photo/Aurelien Morissard
«U dačynieńni da Ukrainy členy Aljansu rychtujuć dadatkovyja miljardy dapamohi i ŭnioski ŭ harantyi biaśpieki», — napisaŭ Mark Rute ŭ sacsietcy X.
Pavodle vynikaŭ razmovy z Trampam Rute zajaviŭ, što «ZŠA i NATA robiacca macniejšymi», a členy Aljansu «chutka pavialičvajuć inviestycyi ŭ abaronu».
Raniej u NATA zajaŭlali, što Aljans znachodzicca na šlachu vykanańnia płana finansavańnia abarony Ukrainy na 2025 hod na ŭzroŭni 40 miljardaŭ jeŭra.
U svaju čarhu, Mark Rute zajaviŭ, što ŭsie dziaržavy Aljansu pavinny dasiahnuć pakazčyka ŭ 2% VUP na abaronnyja vydatki, bo ŭ advarotnym vypadku jany buduć mieć spravu z Donaldam Trampam.
Čytajcie taksama:
Tramp užo nie moža pavieryć, što nazvaŭ Zialenskaha dyktataram
Tramp usio ž uvodzić myty na tavary z Kanady, Mieksiki i Kitaja
Pucin: Rasija pavinna vykarystoŭvać usie mahčymaści, kab pieraškodzić sprobam sarvać pieramovy z ZŠA