Pucin: Rasija pavinna vykarystoŭvać usie mahčymaści, kab pieraškodzić sprobam sarvać pieramovy z ZŠA
Krainy Zachadu niezadavolenyja adnaŭleńniem kantaktaŭ pamiž Maskvoj i Vašynhtonam i, imknučysia zachavać hłabalnuju niestabilnaść, nibyta chočuć pasprabavać sarvać dyjałoh. Takuju zajavu zrabiŭ Uładzimir Pucin na pasiadžeńni kalehii FSB.
«Nie ŭsich zadavalniaje adnaŭleńnie rasijska-amierykanskich kantaktaŭ. Častka zachodnich elitaŭ pa-raniejšamu nastrojena na zachavańnie niestabilnaści ŭ śviecie, i hetyja siły buduć sprabavać sarvać abo skampramietavać raspačaty dyjałoh.
My heta z vami bačym. Nam treba heta ŭličvać i vykarystoŭvać usie mahčymaści dypłamatyi i śpiecyjalnych słužbaŭ dla zryvu padobnych sprobaŭ», — zajaviŭ kiraŭnik Rasii.
Pucin padkreśliŭ, što supracoŭniki FSB pavinny ćviorda abaraniać «nacyjanalnyja intaresy Rasii, jaje suvierenitet, a taksama biaśpieku i svabody hramadzian».
Akramia taho, Pucin zapatrabavaŭ uzmacnić kontrvyviedvalnuju dziejnaść, matyvujučy heta rostam aktyŭnaści zamiežnych śpiecsłužbaŭ na fonie raźviazanaj im vajny va Ukrainie. Jon taksama daručyŭ FSB rašuča spyniać lubyja sproby «raźjadnać i raskałoć» rasijskaje hramadstva.
Raniej na fonie aściarožnaha zbližeńnia z Vašynhtonam u administracyi prezidenta Rasii dali rekamiendacyi prapahandysckim ŚMI nie rabić akcent na asabistaj padtrymcy Trampa, ale sfarmavać vobraz palityka, jaki «mieŭ mudraść adhuknucca na praciahnutuju Rasijaj ruku», paviedamlaje vydańnie «Viorstka» sa spasyłkaj na krynicy ŭ praŭładnych miedyja i surazmoŭcu, blizkaha da Kramla. Takaja stratehija pradyktavana aściarohami, što pieramovy z ZŠA mohuć u kančatkovym vyniku zajści ŭ tupik.
Tramp praciahnuŭ na hod sankcyi suprać Rasii
U Stambule skončylisia pieramovy Rasii i ZŠA
Dziaržsakratar ZŠA: My pravierym, nakolki ščyra ŭ Kramli chočuć spynieńnia vajny
Vučeńni «Zachad-2025»: ci napadzie Rasija na krainy Bałtyi?
Ci dazvolić Polšča Trampu pradać Ukrainu?
Pucin prapanavaŭ Trampu rasijski aluminij i redkaziamielnyja mietały
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary
Jakija ha?!