Minzdaroŭja raskazała, kolki ŭ aptekach biełaruskich lekaŭ, a kolki impartnych
Dola biełaruskich lekavych preparataŭ u aptečnaj sietcy składaje kala 65 pracentaŭ, a ŭ špitalnym siektary bolš jak 80 pracentaŭ, paviedamili BIEŁTA u pres-słužbie Ministerstva achovy zdaroŭja.
Biełaruskija farmaceŭtyčnyja pradpryjemstvy siońnia vypuskajuć kala 1,8 tys. najmieńniaŭ lekavych preparataŭ roznych farmaterapieŭtyčnych hrup, ź ich bolš jak 760 — arhanizacyi chołdynhu «Biełfarmpram».
«U abjomie spažyvańnia va ŭmoŭnych upakoŭkach dola biełaruskich lekavych preparataŭ u aptečnaj sietcy składaje kala 65 pracentaŭ, a ŭ špitalnym siektary bolš jak 80 pracentaŭ, što abumoŭlena značnaj (u siarednim u try razy) roźnicaj u cenach na impartnyja i ajčynnyja preparaty», — adznačyli ŭ Ministerstvie achovy zdaroŭja.
Pa vynikach 2024 hoda abjom vytvorčaści farmaceŭtyčnaj pradukcyi skłaŭ Br2462,2 młn z tempam rostu 122,3 pracenta ŭ faktyčnych cenach da ŭzroŭniu 2023 hoda.
U 2024 hodzie ajčynnyja vytvorcy na ŭnutranym rynku ŭpieršyniu zarehistravali 67 novych ajčynnych lekavych preparataŭ.