Zialenski: Naša sustreča ŭ Biełym domie prajšła nie tak, jak pradbačyłasia. Pryjšoŭ čas zrabić usio pravilna
Prezident Ukrainy Uładzimr Zialenski jašče raz padkreśliŭ, što Ukraina prahnie miru. Ukraina hatovaja padpisać damovu ab vykapniach, zaŭvažyŭ jon u svaim tvitary.
Uładzimir Zialenski. Fota: AP
«Naša sustreča ŭ Vašynhtonie, u Biełym domie, u piatnicu prajšła nie tak, jak pradbačyłasia. Kryŭdna, što tak zdaryłasia. Pryjšoŭ čas zrabić usio pravilna. My chacieli b, kab u dalejšym supracoŭnictva i znosiny byli kanstruktyŭnymi», — napisaŭ Zialenski.
Jon dadaŭ, što dla miru razam z kamandaj hatovy pracavać pad lidarstvam Trampa.
Pieršymi etapami prezident Ukrainy prapanavaŭ vyzvaleńnie pałonnych i pieramirje ŭ niebie: zabarona rakiet, dalnabojnych dronaŭ, bambavańniaŭ enerhietyčnaj i inšaj hramadzianskaj infrastruktury — i nieadkładnaje pieramirje na mory, kali Rasija zrobić toje ž samaje.
Jašče raz jon skazaŭ, što Ukraina šanuje toje, jak šmat Amieryka zrabiła dla jaje, i ŭdziačna. Damovu ab vykapniach kraina hatovaja padpisać «u luby čas i ŭ lubym zručnym farmacie».