Vens nazvaŭ umovy adnaŭleńnia vajskovaj dapamohi Ukrainie
Vice-prezident ZŠA Džej Dzi Vens nazvaŭ umovy adnaŭleńnia vajskovaj dapamohi ZŠA Ukrainie. Jak paviedamlaje telekanał CNN, jon zajaviŭ, što dla hetaha «Ukraina pavinna sieści za stoł pieramoŭ».
Džej Dzi Vens. Fota: Kent Nishimura / Getty Images
«My chočam, kab va ŭkraincaŭ była suvierennaja i niezaležnaja kraina. My ličym, što ŭkrainskija vojski bjucca vielmi advažna, ale my znachodzimsia na toj stadyi, kali ni Jeŭropa, ni Złučanyja Štaty, ni ŭkraincy nie mohuć praciahvać hetuju vajnu da biaskoncaści. […] Prezident [Tramp] sprabuje pasłać vielmi vyrazny sihnał: ukraincy pavinny sieści za stoł pieramoŭ i pačać damaŭlacca ab pahadnieńni pa minierałach», — zajaviŭ vice-prezident ZŠA.
Raniej stała viadoma, što prezident ZŠA Donald Tramp prypyniŭ usiu vajskovuju dapamohu Ukrainie paśla sutyknieńnia z ukrainskim prezidentam Uładzimiram Zialenskim u Avalnym kabiniecie na minułym tydni. Tym samym prezident ZŠA akazvaje cisk na Kijeŭ, kab prymusić jaho padparadkavacca namahańniam ZŠA pa zaklučeńni mirnaha pahadnieńnia z Rasijaj, niahledziačy na adsutnaść harantyj biaśpieki dla Ukrainy.
Čytajcie taksama:
Paŭza ci kaniec? Što aznačaje rašeńnie ZŠA prypynić dapamohu Ukrainie
Vens: Dźviery dla adnaŭleńnia pieramoŭ Trampa i Zialenskaha zastajucca adčynienymi