Załužny: ZŠA rujnujuć suśvietny paradak, a Rasija pryjdzie pa Jeŭropu
Pasoł Ukrainy ŭ Vialikabrytanii, eks-hałoŭnakamandujučy USU Valeryj Załužny prakamientavaŭ palityku novaha prezidenta ZŠA Donalda Trampa, abvinavaciŭšy Złučanyja Štaty ŭ «razbureńni suśvietnaha paradku». Adpaviednuju zajavu Załužny zrabiŭ padčas vystupu ŭ Karaleŭskim instytucie mižnarodnych adnosin (Chatham House), piša The Times.
Valeryj Załužny. Fota: AP Photo / Efrem Lukatsky
«Nie tolki voś zła sprabuje pierahledzieć suśvietny paradak… ZŠA rujnujuć suśvietny paradak. Vidavočna, što Bieły dom pastaviŭ pad sumnieŭ adzinstva ŭsiaho Zachodniaha śvietu», — zajaviŭ Załužny.
Na jaho dumku, «ciapier Vašynhton sprabuje pieradać pytańni biaśpieki Jeŭropie biez udziełu ZŠA».
Były hałoŭnakamandujučy USU adznačyŭ, što NATA moža spynić svajo isnavańnie, a «Rasija pryjdzie pa Jeŭropu», piša The Times.
Valeryja Załužnaha, byłoha hałoŭnakamandujučaha ŭzbrojenymi siłami Ukrainy, mnohija ekśpierty nazyvajuć budučaj zamienaj prezidentu Zialenskamu.