Śpiecpasłańnik Trampa paćvierdziŭ, što na nastupnym tydni adbuducca pieramovy Ukrainy i ZŠA
Śpiecpasłańnik Trampa Styŭ Uitkaf paćvierdziŭ, što na nastupnym tydni ŭ Saudaŭskaj Aravii adbuducca pieramovy pamiž delehacyjami Ukrainy i ZŠA pa rasijska-ŭkrainskaj vajnie, piša Sky News.
Styŭ Uitkaf. Fota: Anna Moneymaker / Getty Images
Pa jaho słovach, horad u Saudaŭskaj Aravii, dzie adbudziecca sustreča, pakul dakładna nie vyznačany.
Śpiecpasłańnik pryvitaŭ sihnał Zialenskaha da Trampa i skazaŭ, što heta «stanoŭčy pieršy krok».
Vašynhton budzie sprabavać uzhadnić ramki mirnaha pahadnieńnia i pačatkovaha spynieńnia ahniu dla Ukrainy, dadaŭ Uitkaf.
Ukrainski čynoŭnik na ŭmovach ananimnaści raskazaŭ ahienctvu AFP, što kiraŭnik Administracyi Zialenskaha Andrej Jarmak uznačalić ukrainskuju delehacyju, u jakuju taksama moža ŭvajści ministr abarony Rustem Umieraŭ, piša «Jeŭrapiejskaja praŭda».
Vydańnie Axios paviedamlała, što sustreča adbudziecca ŭ sieradu 12 sakavika.
Paśla sprečki Trampa, Vensa i Zialenskaha ŭ Biełym domie 28 lutaha ŭkrainskaja i amierykanskaja delehacyi nie padpisali čakanaje pahadnieńnie ab vykapniach. Amierykanski bok tady zajaviŭ pra spynieńnie vajskovaj dapamohi i pieradaču raźviedźviestak dla Ukrainy.
4 sakavika Zialenski źviarnuŭsia da ZŠA i skazaŭ, što dla miru va Ukrainie hatovy razam z kamandaj pracavać pad lidarstvam Trampa. 6 sakavika jon dadaŭ, što «Ukraina adnaviła pracu z ZŠA».
Čytajcie taksama:
Vens nazvaŭ umovy adnaŭleńnia vajskovaj dapamohi Ukrainie
Dziaržsakratar Rubia: Spynieńnie vajny va Ukrainie zapatrabuje sastupak z abodvuch bakoŭ