Nieabchodnuju sumu dla žurnalistki Ksienii Łuckinaj sabrali za dva dni
Zbor žurnalistcy, jakaja praviała za kratami bolš čym čatyry hady i vyjšła pa pamiłavańni, byŭ abvieščany ŭ čaćvier. Nieabchodna było sabrać 7 tysiač jeŭra. Pa stanie na ranicu suboty nieabchodnaja suma sabranaja.
Žurnalistka BT Ksienija Łuckina, jakaja zajmałasia stvareńniem dakumientalnych filmaŭ na histaryčnyja temy, u žniŭni 2020 hoda dałučyłasia da zabastoŭki supracoŭnikaŭ chołdynhu i pakinuła pasadu i pakinuła pasadu śpiecyjalnaha karespandenta Biełteleradyjokampanii.
Zatym Ksienija ŭvajšła ŭ asnoŭny skład Kaardynacyjnaj rady, dzie adkazvała za suviazi z presaj, i sumiesna ź inšymi žurnalistami płanavała stvaryć alternatyŭnaje telebačańnie na płatformie YouTube.
Jaje zatrymali ŭ śniežni 2020 hoda i zatym pa abvinavačvańni ŭ «zmovie z metaj zachopu dziaržaŭnaj ułady» prysudzili da vaśmi hadoŭ pazbaŭleńnia voli ŭ kałonii ahulnaha režymu. Na voli zastaŭsia jaje mały syn.
U źniavoleńni ŭ Ksienii abvastrylisia prablemy sa zdaroŭjem: u jaje była dyjahnazavaja puchlina hałaŭnoha mozhu, jakaja pavialičvałasia, vyklikajučy pastajannyja hałaŭnyja boli i patrabujučy rehularnaha pryjomu abiazbolvalnych. U lutym 2023 hoda Ksienija pieraniesła ciažkuju dvuchbakovuju pnieŭmaniju, što jašče bolš asłabiła jaje arhanizm. Roŭna praz hod — u lutym 2024 — jašče adnu.
20 žniŭnia 2024 hoda Ksienija Łuckina była vyzvalenaja pavodle «pamiłavańnia», a 3 sakavika pakinuła Biełaruś.
Paśla 4 hadoŭ u turmie i pieraniesienych chvarobaŭ joj nieabchodnaja terminovaja miedycynskaja dapamoha, adnaŭleńnie i padtrymka. Zbor byŭ adkryty, kab dapamahčy Ksienii pačać novy raździeł žyćcia — biez strachu, bolu i pahrozaŭ.