Tramp zajaviŭ, što Ukraina «moža nie vyžyć u lubym vypadku»
U intervju Fox News u Donalda Trampa spytali, ci kamfortna jamu ad adčuvańnia, što Ukraina moža nie vyžyć biez vajskovaj padtrymki ZŠA.
Donald Tramp. Fota: Joe Raedle / Getty Images
«Ukraina moža nie vyžyć u lubym vypadku», — adkazaŭ Tramp.
«U nas jość niekatoryja słabyja baki ŭ adnosinach z Rasijaj. (…) Hetaha nie pavinna było zdarycca — taja vajna, i jana zdaryłasia. Tak što ciapier my zatrymalisia ŭ hetym biesparadku», — dadaŭ Tramp.
Na pytańnie, ci adnolkava jon stavicca da CHAMAS i Rasii, Tramp skazaŭ, što «byŭ vielmi žorstkim u dačynieńni da Rasii, bolš žorstkim, čym chto-niebudź».
Jon paŭtaryŭ, što Zialenski niaŭdziačny za amierykanskuju dapamohu. «Zabiraŭ hrošy ŭ ZŠA hetak ža lohka, jak cukierku ŭ dziciaci», — prakamientavaŭ jon. Pa słovach Trampa, jon čakaje zaklučeńnia z Ukrainaj ździełki pa redkaziamielnych mietałach.