Turčyn zajaviŭ pra ryzyku «čornych lebiedziaŭ» u ekanomicy

U ekanomicy dastatkova šmat ryzyk. Heta i sankcyjny cisk, i prablemy ŭ źniešnim handli, — raspavioŭ u efiry «Pieršaha infarmacyjnaha» premjer-ministr Alaksandr Turčyn, pieradaje BiełTA.

Pry hetym, pavodle słoŭ Turčyna, samaje hałoŭnaje, što my ciapier žyviom u epochu «čornych lebiedziaŭ».

«Jaki «čorny lebiedź» źjavicca zaŭtra, vielmi składana sprahnazavać», — ličyć kiraŭnik urada.

Alaksandr Turčyn padkreśliŭ, što na hetym fonie hałoŭnaja zadača — ustojlivaje funkcyjanavańnie ekanamičnaha miechanizmu, jaki moh by apieratyŭna reahavać na lubyja vykliki, adaptavacca i zabiaśpiečvać ustojlivy ekanamičny rost.

U minuły paniadziełak Turčyn uznačaliŭ urad. Paśla pryznačeńnia jon adznačyŭ, što ŭ Biełarusi nie płanujecca istotnaj karekciroŭki ekanamičnaha kursu.

Kamientary da artykuła