Siastra premjer-ministra Turčyna žyvie pad Maskvoj i pracuje vykładčycaj anhlijskaj movy
Volzie Turčynoj 53 hady. Jana zahadvaje centram vychavaŭčaj i kulturna-masavaj raboty ŭ padmaskoŭnym Tučkavie, a taksama vykładaje.
Volzie Turčynoj 53 hady. Jak i brat, rodam jana z Navahrudka. U svoj čas jana skončyła Minski dziaržaŭny linhvistyčny ŭniviersitet.
Niekatory čas pracavała ŭ biełaruskich škołach, a paśla pierabrałasia ŭ Rasiju.
Ciapier Volha — zahadčyca centra vychavaŭčaj i kulturna-masavaj raboty, a taksama vykładčyca anhlijskaj movy ŭ filijale Maskoŭskaha palitechničnaha ŭniviersiteta ŭ padmaskoŭnym Tučkavie. Žyvie jana tam ža — u Tučkavie, a ad biełaruskaha hramadzianstva jana nie admaŭlałasia.
Turčyna vielmi aktyŭnaja — zajmajecca vałanciorskaj pracaj, arhanizuje «kłub zamiežnych studentaŭ» i ładzić roznyja mierapryjemstvy va ŭniviersitecie.
«Dla mianie być nastaŭnikam — najvyšejšaje ščaście. A ščaście, ja liču, tolki tam, dzie lubiać nas, dzie vierać nam. Ale i sama ja taksama vieru, i majo žyćciovaje kreda zasnavana na viery toj. «U što ž ja vieru?» — spytajecie mianie. I ja adkažu, nie ŭtojvajučy, što nietalenavitych dziaciej na śviecie nie byvaje, a kab talentam nie źniknuć, ja pavinna dapamahać dzieciam raskrycca ŭ poŭnuju siłu. Liču samym hałoŭnym — čałavieka vychavać, kab u junym hramadzianinie pasialilisia i pasiabravali vydatnyja ŭłaścivaści čałaviečaj dušy: dabrynia, nieabyjakavaść, sumlennaść i vielikadušnaść», — raskazała Volha pra siabie.
Baćka Turčynych, Hienrych Turčyn, pačynaŭ sa śfiery adukacyi — jak nastaŭnik fiziki. Potym pajšoŭ pa partyjnaj linii i daros da kiraŭnika arhanizacyjnaha adździeła harkama partyi. Paśla kiravaŭ spravami ŭ rajvykankamie.
«Naša Niva» — bastyjon biełaruščyny
PADTRYMAĆRaźviedka ZŠA: Biełaruś stała pieradavym vajskovym płacdarmam Rasii24
Kamientary