Pavieł Łatuška stvaraje svoj fond. Što heta za arhanizacyja?
Fond Paŭła Łatuški fihuruje siarod arhanizataraŭ Dnia Voli ŭ Varšavie. Pacikavilisia ŭ palityka, ź jakich srodkaŭ budzie farmavacca hety fond.
Fota: NAU
Fond Paŭła Łatuški pakul nie jurydyčnaja asoba, ciapier rychtujecca jaho statut, a paśla čarha dojdzie i da rehistracyi.
«Na siońnia heta publičnaja dekłaracyja ab namiery jaho stvaryć, — kaža palityk. — Adnak užo ciapier uźnikaje nieabchodnaść akazvać padtrymku i dapamohu roznym prajektam».
Pavieł Łatuška płanuje pieradać u Fond častku srodkaŭ, atrymanych im ad premii «Salidarnaść» imia Lecha Valensy.
«Taksama danaty, sponsarskuju dapamohu, pa jakuju ja źviartajusia da kankretnych zamiežnych kampanij i fizičnych asobaŭ.
Pieršyja zapyty, na jakija ja pastaraŭsia adreahavać — heta finansavaja padtrymka akcyi da Dnia Voli, jakaja adbudziecca ŭ Varšavie 23 sakavika, a taksama novyja pastanoŭki «Volnych Kupałaŭcaŭ», — raskazaŭ Pavieł Łatuška «Našaj Nivie».
Čytajcie taksama:
Jakimi buduć nastupnyja piać hadoŭ? Prahnoz Łatuški