Kanfliktnuju situacyju pamiž prezidentam Ukrainy Uładzimiram Zialenskim i prezidentam ZŠA Donaldam Trampam, jakaja adbyłasia siońnia ŭ Biełym domie, nie pakinuŭ pa-za ŭvahaj kiraŭnik Nacyjanalnaha antykryzisnaha ŭpraŭleńnia, namieśnik kiraŭnicy Abjadnanaha pierachodnaha kabinieta Pavieł Łatuška. Jon vystupiŭ u padtrymku Zialenskaha i ŭkrainskaha naroda.
Spačatku Łatuška napisaŭ post u padtrymku Zialenskaha i Ukrainy ŭ sacsietcy X:
«Ukraina — heta Jeŭropa. Pryjšoŭ čas Jeŭropie stać mocnaj».
Paśla ž jon taksama zapisaŭ karotki videazvarot:
«U hety važny histaryčny momant chacieŭ by vykazać jak biełarus, jak biełaruski palityk słovy padtrymki i salidarnaści ŭkrainskamu narodu, prezidentu Ukrainy Uładzimiru Zialenskamu. Ukraina — heta Jeŭropa, a Jeŭropa pavinna być mocnaj. I ja vieru ŭ toje, što Biełaruś taksama budzie ŭ Jeŭropie», — zajaviŭ palityk.
Paźniej u sacsietkach Łatuški źjaviłasia jašče adno paviedamleńnie ŭ padtrymku Zialenskaha.
«Prezidentu Ukrainy Uładzimiru Zialenskamu nie patrebnaja dapamoha prezidenta ZŠA Donalda Trampa, kab addać Rasii akupavanyja terytoryi Ukrainy, skaracić vojski, admovicca ad ustupleńnia ŭ NATA i denacyjanalizavać Ukrainu. Kali b jon chacieŭ kapitulavać, to pajechaŭ by ŭ Maskvu, a nie ŭ Vašynhton», — ličyć Pavieł Łatuška.
28 lutaha prezidenty Ukrainy i ZŠA mocna pasvarylisia ŭ žyvym efiry, paśla čaho nastupnyja pieramovy i pres-kanfierencyja pa ich vyniku byli admienienyja, a Zialenski byŭ vymušany pakinuć Bieły dom.
Zialenski padziakavaŭ Amierycy za padtrymku i svoj vizit
Jeŭrapiejskija lidary vykazvajuć Zialenskamu padtrymku ŭ jahonaj sprečcy z Trampam
Tramp: Zialenski moža viarnucca, kali budzie hatovy da miru
Tramp i Zialenski pasvarylisia ŭ žyvym efiry
Tramp Zialenskamu: vy nie pavažajecie ZŠA, vy pavinny być udziačnyja
Ciapier čytajuć
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary