Mikołu Dziadka nie vypuściać pa skančeńni terminu — jaho pieraviali ŭ SIZA ŭ Kaladzičach

Pra heta ŭ telehram-kanale pra palitźniavolenaha paviedamili jaho siabry.

Mikałaj Dziadok. Fota: sacsietki

U SIZA ŭ Kaladzičach anarchista pieraviali praz novuju kryminalnuju spravu, ale padrabiaznaści nieviadomyja.

U vieraśni 2024 hoda suprać Dziadka ŭžo raspačali kryminalnuju spravu ab złosnym niepadparadkavańni administracyi turmy (častka 1 art. 411 KK). Ci byŭ sud i jakija jaho vyniki, niezrazumieła.

Tady paviedamlałasia, što na volu aktyvist pavinien byŭ vyjści 25 krasavika 2025 hoda. Ciapier jaho siabry napisali, što mierkavanaj dataj vyzvaleńnia Dziadka mahło stać 4 krasavika.

Ź leta pa vosień 2024 hoda Dziadok bolš za 100 dzion pravioŭ u ŠYZA.

10 listapada 2021 hoda Minski haradski sud pryhavaryŭ anarchista da 5 hadoŭ kałonii. Jaho pryznali vinavatym pa troch artykułach: zakliki da dziejańniaŭ suprać nacbiaśpieki Biełarusi (častka 3 artykuła 361 KK), udzieł u hrubym parušeńni paradku (častka 1 artykuła 342 KK) i niezakonnyja dziejańni ŭ dačynieńni da haručych rečyvaŭ (Častka 1 artykuła 295-3). U kancy listapada 2021 stała viadoma ab pieravodzie Mikałaja ź SIZA-1 u mahiloŭskuju Śledčuju turmu №4.

Zatrymali Dziadka 11 listapada 2020 hoda.

Kamientary da artykuła