Baćka palitviaźnia Mikoły Dziadka: Padtrymki vielmi nie chapaje
Palitviazień i aktyvist anarchičnaha ruchu Mikałaj Dziadok za kratami ŭžo 800 dzion. Ciapier jon adbyvaje pakarańnie ŭ turmie Hrodna. Baćka chłopca Alaksandr raskazaŭ «Novamu času» apošnija naviny ad syna.
Mikoła Dziadok. Fota: sacsietki
Baćka palitviaźnia raspavioŭ, što tamu dazvolili zvanok.
«Mikoła telefanavaŭ, jamu dazvolili 5 chvilin razmovy. Ja pačuŭ jaho hołas, adčuŭ jahony nastroj. Chaču skazać, Mikoła ŭ nas prosta vialiki čałaviek! Navat u hetych abstavinach ź im zastajecca pačućcio humaru. Razmova była, jak zvyčajna, davoli sumburnaja, bo šmat što chočacca skazać, ale staralisia paśpieć vymavić adzin adnamu samaje patrebnaje.
U Mikoły ŭsio dobra. Praŭda, niadaŭna adsiadzieŭ siem sutak u ŠIZA, pakul nie viedaju, za što. Ale ciapier usio ŭ paradku. Siadzić jon u kamiery, čytaje knižki. Sa zdaroŭjem krychu jość prablemy, ale my rychtujem dla jaho miedycynskuju pieradaču, ź miascovym doktaram jon jaje ŭzhadniŭ», — padzialiŭsia Alaksandr.
U listach Mikoła piša, što dośvied niavoli dla jaho — sposab samaŭdaskanaleńnia.
Baćka pryznajecca, što nie atrymlivaje dastatkovaj padtrymki z boku biełarusaŭ i mižnarodnaj supolnaści.
«Nijakaj. Ja starajusia zaŭsiody być u sacsietkach, usio čytać… Ale pra Mikołu daŭno ničoha nie čytaŭ.
Pra materyjalnuju padtrymku nie kažu, patrochu sami spraŭlajemsia, nam heta nie ŭ navinku. Ale maralnaj padtrymki vielmi nie chapaje», — adznačyŭ jon.
Palityku ŭ listach abmiarkoŭvać nielha, tamu naviny pra toje, što adbyvajecca ŭ krainie i śviecie, Mikoła čuje pa biełaruskim radyjo.
«Ale Mikałaj razumny čałaviek, jon usio bačyć, usio pravilna analizuje. Što samaje hałoŭnaje — jon choča, kab ludzi žyli ŭ miry, dabryni i ščaści! Tamu toje, što adbyvajecca, dla Mikoły adnaznačna nieprymalna», — kaža baćka.
Nahadajem, Mikałaj Dziadok atrymaŭ 5 hadoŭ pazbaŭleńnia voli. HUBAZiK katavaŭ chłopca pry zatrymańni. U lipieni 2022-ha palitviaźnia pieraviali z kałonii na turemny režym.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
što dla luboha čałavieka bolš blizkaha za jaho niepasrednych rodnych niama
a tut... baćka
čytajem pa vusnach, kali ź pieršaha razu nie dajšło
"Ja starajusia zaŭsiody być u sacsietkach, usio čytać… Ale pra Mikołu daŭno ničoha nie čytaŭ."