U žychara Krasnapolskaha rajona doma znajšli redkuju bielhijskuju strelbu XIX stahodździa

Palaŭničy raskazaŭ, što zbroju atrymaŭ u spadčynu. Ale ad kryminalnaj spravy heta jaho nie ŭratavała.

Fota: Dziaržaŭny kamitet sudovych ekśpiertyz

U Krasnapolskim rajonie siłaviki praviali pieratrus u miascovaha palaŭničaha. Jak vyśvietliłasia, akramia zarehistravanaj palaŭničaj strelby mužčyna zachoŭvaŭ jašče dva vidy zbroi.

U palaŭničaha znajšli vintažnuju strelbu i zaržavieły pistalet, nieprydatny dla stralby. Pa vynikach ekśpiertyzy vyśvietliłasia, što mužčyna zachoŭvaŭ doma redkuju bielhijskuju strelbu G. Kopplin Zulltchau.

Jaje ŭ druhoj pałovie XIX stahodździa vyrabiŭ bielhijski majstar. Vierahodna, na zakaz, i takich strelbaŭ było vypuščana vielmi mała. Jak adznačyli ŭ kamitecie sudovych ekśpiertyz, padobny ekzemplar G. Kopplin Zulltchau vystaŭleny ŭ Dziaržaŭnym histaryčnym muziei ŭ Maskvie. Pistalet akazaŭsia francuzskim Mod. 1935A, jaho vyrabili ŭ XX stahodździ.

Palaŭničy patłumačyŭ, što pistalet adkapaŭ na aharodzie, a strelba dastałasia jamu ad baćki, jaki pryvioz zbroju z Hiermanii. Na viaskoŭca zaviali kryminalnuju spravu.

Kamientary da artykuła