Viaskoviec streliŭ sabie ŭ hałavu, praspaŭ pałovu sutak — i vyžyŭ
Zdareńnie adbyłosia ŭ vieraśni 2024 hoda ŭ adnoj ź viosak Hłuskaha rajona. Viaskoŭka, viarnuŭšysia viečaram z pracy, znajšła sužyciela, jaki lažaŭ u dvary na kanapie. Pakolki mužčyna złoŭžyvaŭ ałkaholem, jana vyrašyła, što jon prosta śpić, i nie stała jaho turbavać.
Adnak nastupnaj ranicaj žančyna zaŭvažyła, što mužčyna chrypić, a jahonaja hałava ŭ kryvi. Jana vyklikała chutkuju dapamohu — mužčynu ŭ ciažkim stanie dastavili ŭ balnicu, paviedamlaje Dziaržkamitet sudovych ekśpiertyz.
Miedyki vyjavili adkrytaje pranikalnaje ranieńnie hałavy i inšarodnaje cieła ŭ mazhu, a potym dastali kulu vahoj 2,5 h.
Śledčyja razam sa śpiecyjalistami Dziaržaŭnaha kamiteta sudovych ekśpiertyz praviali ahlad miesca zdareńnia i apytali znajomych. Taksama stała viadoma, što heta była kula małakalibiernaha patrona kolcavaha ŭzharańnia 5,6×16R, pryznačanaha dla stralby z naraznoj ahniastrelnaj zbroi.
U vyniku vyjaviłasia nastupnaje. Paciarpieły kruciŭ pistalet kala hałavy, demanstrujučy jaho siabru, i tut adbyŭsia streł. Ad udaru mužčyna ŭpaŭ na kanapu, a jahony siabra, spałochaŭšysia, źbieh.
Praź niekatory čas pryjšoŭ jašče adzin znajomy, jaki vyrašyŭ, što haspadar prosta pjany i śpić. Adnak jon zaŭvažyŭ samarobny pistalet na ziamli, zabraŭ jaho i schavaŭ doma, a paźniej razabraŭ i vykinuŭ u štučny vadajom.
Ciapier hety mužčyna pryciahvajecca da kryminalnaj adkaznaści za niezakonnyja dziejańni ŭ adnosinach da ahniastrelnaj zbroi.
Śledčyja znajšli vykinutuju zbroju i nakiravali jaje na balistyčnuju ekśpiertyzu.
Sudovyja ekśpierty paćvierdzili, što znojdzieny ŭ vadajomie mietaličny pradmiet cylindryčnaj formy byŭ samatužna zrobleny i źjaŭlajecca ručnoj karotkarulnaj hładkarulnaj ahniastrelnaj zbrojaj, prydatnaj dla stralby.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT14
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary