Busły na śniezie — realii sioletniaha krasavika FOTAFAKT
U siecivie źjavilisia fota i videa, źniatyja kala vioski Zadomla Smalavickaha rajona. Na ich vyjaŭlenaja čarada busłoŭ, jakija rana viarnulisia z vyraju na radzimu, nie viedajučy, što zima tut jašče nie skazała svajho apošniaha słova.
Fota Lubovi Karotkinaj
Ptuški, jakija zimujuć u Biełarusi, prystasavanyja da chaładoŭ i śniehu. I navat tyja ptuški, jakija prylatajuć rana ź zimoŭki — taksama, piša kanał «Dzikaja pryroda pobač».
Składaniej za ŭsio łastaŭkam, jakija ŭžo taksama viarnulisia. Ale jany mohuć adlacieć na poŭdzień ci na zachad, dzie dla ich jość ježa.
U ciapierašniaj situacyi kiroŭcam śpiecyjalisty vielmi rajać źnizić chutkaść na darohach — na ŭzbočynach i darohach ciapier kormicca šmat vierabjinych ptušak (vierabji, jurki, bieraścianki, strynatki, žaŭruki i h.d.), jakija mohuć być źbityja.
Ale ŭvohule ciapier možna zrabić cikavyja nazirańni, bo ptuški trymajucca bližej da ludziej.