Uzbrojeny biełarus napaŭ ź pistaletam na palicejskich u Rasii
Uzbrojeny mužčyna napaŭ na palicejskich u Rasii. Pra heta paviedamlaje TASS sa spasyłkaj na pres-słužbu Śledčaha kamiteta.
Zdareńnie adbyłosia ŭ Obninsku Kałužskaj vobłaści. Incydent pačaŭsia, kali minak paviedamiŭ palicejskim pra mužčynu, jaki siadzieŭ u aŭtamabili i, vierahodna, byŭ niećviarozy.
Pry nabližeńni palicejskich da aŭtamabila padazravany vyjšaŭ i nakiravaŭ na ich pradmiet, padobny da zbroi, praciahvajučy ruchacca ŭ ich bok. Ihnarujučy patrabavańni spynicca, jon pačaŭ pahražać palicejskim.
Tyja adkryli ahoń u pavietra, kab praduchilić napad, i zdoleli ŭziać jaho pad kantrol.
Paźniej rasijskija telehram-kanały ŭdakładnili, što napadnik — biełarus.
Śledčyja orhany ŭžo zaviali kryminalnuju spravu. Biełarus padazrajecca ŭ ździajśnieńni złačynstva, źviazanaha z užyvańniem hvałtu i pahrozaj jaho ŭžyvańnia da pradstaŭnikoŭ ułady. Dla zatrymańnia mužčyny supracoŭniki Dziaržaŭtainśpiekcyi ŭžyli fizičnuju siłu.
U dadzieny momant zatrymany dastaŭleny ŭ adździaleńnie palicyi, a pradmiet, padobny da pistaleta, kanfiskavany.