Ukraincy ŭdaryli «Chajmarsam» pa rasijskim punkcie kiravańnia ŭ Sudžanskim rajonie
11 krasavika kala 17:15 USU nanieśli rakietny ŭdar pa pieradavym punkcie kiravańnia (PPK) vojskaŭ 30-ha motastrałkovaha pałka (v/č 72162), raźmieščanaha ŭ siale Hujeva Sudžanskaha rajona Kurskaj vobłaści, piša telehram-kanał «Dośje špiona», insajdy jakoha raniej zaŭsiody spraŭdžvalisia.
HIMARS. Fota: Getty Images
Udar, jak śćviardžajecca, byŭ naniesieny z vykarystańniem RSZA HIMARS.
U vyniku jaho 7 čałaviek (namieśnik kamandzira pałka, kamandzir uzvoda suviazi, 5 vajskoŭcaŭ raźviedvalnaj roty) zabityja, 4 — paranienyja. Siarod paranienych — kamandzir 30-ha motastrałkovaha pałka pałkoŭnik Šypicyn.
Hety PPK pieryjadyčna padviarhaŭsia dronavym i rakietnym napadam z ukrainskaha boku i raniej.
Čytajcie taksama:
Minabarony Rasii abvinavaciła USU va ŭdary pa hazavymiaralnaj stancyi «Sudža» z dapamohaj HIMARS
Jak Ukrainie ŭdałosia źniščyć čatyry viertaloty ŭ Biełharadskaj vobłaści
Razam z prapahandystam Fiedarčakom zahinuli jašče dva pradstaŭniki rasijskich ŚMI