Lavončyk: Mielnikava vylecieła ŭ Łondan i, nie zatrymlivajučysia, vylecieła z Łondana — heta 100-pracentna

Kiraŭnik inicyjatyvy «Bajchełp» Alaksiej Lavončyk u efiry «Jeŭraradyjo» raskazaŭ niekalki detalaŭ pa spravie źnikłaj Anžaliki Mielnikavaj.

Anžalika Mielnikava ŭ Łondanie. Fota ź jaje staronki ŭ FB

«My viedajem, što Mielnikava vylecieła ŭ Łondan, heta 100-pracentna, my viedajem, što jana vylecieła z Łondana — heta 100-pracentna. Ja nie mahu pakul kamientavać, kudy jana vylecieła z Łondana. Ale ŭ Łondanie jana dakładna nie zatrymałasia, z taho što my razumiejem.

I chutčej za ŭsio, u maim razumieńni, heta byŭ toj samy abjazny maršrut, jakim, naprykład, jeduć u tym liku ludzi, jakija źjazdžajuć ź Biełarusi. To-bok heta taki dosyć zrazumieły patern», — skazaŭ Lavončyk.

Jon dadaŭ, što pry hetym nieviadoma, ci lacieła Mielnikava ŭ Biełaruś. Ci jana prylacieła i źlacieła ź dziećmi, nieviadoma.

Zajavy ŭ brytanskuju palicyju Lavončyk napisaŭ, ale reakcyi na ich pakul niama.

Kamientary da artykuła