«Što takoje libierte?» Homielski nieŭrołah na pryjomie zadaje pacyjentam pytańni pa francuzskaj movie i historyi
Doktar na pryjomie prosić pierakłaści viadomyja francuzskija słovy, a jašče moža zadać histaryčnaje pytańnie.
U Homieli pracuje doktar-nieŭrołah, jaki vielmi lubić francuzskuju movu. Pra niezvyčajnaha doktara raskazała ŭ TikTok adna z pacyjentak.
Dziaŭčyna pryjšła na pryjom pa daviedku dla pastupleńnia, a trapiła na raptoŭny ekzamien pa francuzskaj movie i historyi. Nieŭrołah paprasiŭ pacyjentku pierakłaści słovy i vyraz mont blanc (biełaja hara), cherchez la femme (šukajcie žančynu), liberté (svaboda) i égalité (roŭnaść). Heta da viadomaha łozunhu Francuzskaj revalucyi.
A potym doktar spytaŭ, jaki impieratar prychodziŭ da ŭłady dvojčy. Ź videa nie zusim zrazumieła, pra kaho idzie havorka, ale całkam vierahodna, što pra Napaleona Banaparta. Praŭda, u takim vypadku sam nieŭrołah dapuściŭ pamyłku: Napaleon viarnuŭsia da ŭłady na 100 dzion nie ŭ 1814, a ŭ 1815 hodzie. Aŭtar videa raskazała, što apytańnie doŭžyłasia paŭhadziny.
U kamientaryjach adznačylisia i inšyja pacyjentki niezvyčajnaha doktara:
- «Jon najlepšy. Niadaŭna da jaho chadziła i jon mnie skazaŭ być uvažlivaj pry vybary mužčyny».
- «U mianie było apytańnie pa biełaruskaj i anhlijskaj».
- «Ja, kali da jaho pajšła, jon taksama pačaŭ pytać pra francuzskuju».
- «Jon mnie pačaŭ tłumačyć značeńnie majho proźvišča i pierakładać jaho na ŭsie movy».