U Łojevie zakryli paromnuju pierapravu: 130 kiłamietraŭ u abjezd
Pra zakryćcio paromnaj pierapravy «Łojeŭ — Abakumy» praz Dniapro stała viadoma 16 krasavika. Hetaja paromnaja pieraprava maje vialikaje značeńnie dla žycharoŭ «zarečnaj zony» — na inšym bierazie ŭ adnosinach da rajcentra znachodziacca takija bujnyja vioski jak Abakumy ci Karpaŭka, piša «Fłahštok»
Fota: tourister.ru
Kali parom nie pracuje, žycharam hetych viosak davodzicca rabić vielizarnaje koła, kab trapić u rajcentr — naprykład, u balnicu, dziaržustanovy.
Z krajniaha punkta — Abakumaŭ — adlehłaść da Łojeva ŭ abjezd składaje amal 130 kiłamietraŭ.
Skrynšot Google Maps
Pryčynaj ciapierašniaha zakryćcia pierapravy stała pałomka katara, jaki abiacajuć chutka papravić. Ale ŭvohule rabić vielizarny kruh žycharam «zarečnaj zony» davodzicca kožny hod na praciahu bolš za try miesiacy, kali pierapravu zakryvajuć na zimovy pieryjad.
Sioleta pieraprava adnaviła funkcyjanavańnie 19 sakavika, ale nie prapracavała i miesiaca.
Zarečnuju terytoryju Łojeŭščyny daŭno prapanujuć pieradać Homielskamu rajonu. Inšy varyjant — pabudavać kala Łojeva most praz Dniapro, adnak prablema zastajecca niavyrašanaj dziasiatki hadoŭ.
Paromnaja pieraprava znachodzicca na bałansie pradpryjemstva «Homielabłdarbud» i była adkrytaja ŭ 2014 hodzie.
Čytajcie taksama:
Vajskoŭcy zaŭčora naviali pantonny most u Biešankovičach, a ŭčora ź jaho ŭpaŭ i patanuŭ čałaviek
Adkryćcio samaha doŭhaha padviesnoha mosta Biełarusi znoŭ pieranieśli — pa niezvyčajnaj pryčynie
Pad Hrodnam adramantavali most, letaś paškodžany mocnaj zalevaj