Pucin abjaviŭ vielikodnaje pieramirje
Prezident Rasii Uładzimir Pucin abviaściŭ spynieńnie ahniu ŭ vajnie va Ukrainie na čas Vialikadnia.
Uładzimir Pucin. Fota: AP
«Rasijski bok spyniaje ŭsie bajavyja dziejańni z 18:00 19 krasavika da 00:00 21 krasavika», — havorycca ŭ paviedamleńni Kramla.
Ciapier, jak zajaviŭ Uładzimir Pucin, Rasija, «čakaje dziejańniaŭ u adkaz z boku Kijeva».
Minabarony Rasii śledam za zajavaj Pucina paviedamiła, što režym spynieńnia ahniu ŭvodzicca «ŭ humanitarnych metach» i budzie vykonvacca rasijanami tolki pry ŭmovie prytrymlivańnia jaho i ŭkrainskim bokam.
Ukrainskija ŭłady aficyjna pakul nie kamientavali rasijskuju inicyjatyvu. Tolki kiraŭnik Centra supraćdziejańnia dezynfarmacyi Rady nacyjanalnaj biaśpieki i abarony Andrej Kavalenka napisaŭ u svaim telehram-kanale:
«A čamu na 30 hadzin, a nie biezumoŭnaje spynieńnie ahniu, jak my prapanoŭvali jašče z 11 sakavika?»
Pucin taksama skazaŭ, što vitaje namahańni ZŠA pa mirnym urehulavańni.
Prezident ZŠA Donald Tramp napiaredadni zajaviŭ, što admovicca ad sprobaŭ arhanizavać mirnaje pahadnieńnie pamiž Rasijaj i Ukrainaj užo ŭ najbližejšyja dni, kali nie ŭbačyć jasnych prykmiet taho, što takaja ździełka dasiahalnaja.
Čytajcie taksama:
U Kramli dali zrazumieć, što Vašynhton vystupaje nie z tymi prapanovami
ZŠA na nastupnym tydni chočuć uzhadnić u Łondanie poŭnaje spynieńnie ahniu va Ukrainie
Administracyja Trampa hatova pryznać Krym rasijskim u ramkach mirnaj damovy
Tramp: ZŠA admoviacca ad udziełu ŭ pieramovach, kali Rasija ci Ukraina sarvuć ździełku