U svaim «mirnym płanie» ZŠA prapanujuć asłabić sankcyi suprać Rasii i pakinuć akupavanyja terytoryi Maskvie
Złučanyja Štaty pradstavili jeŭrapiejskim sajuźnikam ułasnyja prapanovy pa zaklučeńni «mirnaha pahadnieńnia» pamiž Rasijaj i Ukrainaj, jakija, u pryvatnaści, praduhledžvajuć pasłableńnie sankcyj suprać Rasii ŭ vypadku praciahłaha spynieńnia ahniu, paviedamlaje Bloomberg, spasyłajučysia na jeŭrapiejskich čynoŭnikaŭ, znajomych ź situacyjaj.
Jeŭrapiejskija surazmoŭcy Bloomberg havorać, što svoj płan ZŠA prezientavali padčas sieryi sustreč u Paryžy napiaredadni, 17 krasavika.
Pa słovach krynic ahienctva, płan administracyi Trampa byŭ razhledžany na sustrečy ŭ Paryžy, jakuju z udziełam prezidenta Francyi Emanuela Makrona, a taksama dypłamataŭ Vialikabrytanii i Hiermanii praviali śpiecpasłańnik Trampa Styvien Uitkaf i dziaržsakratar ZŠA Marka Rubia.
Ich prapanova praduhledžvaje faktyčnuju zamarozku vajny, pryčym ukrainskija terytoryi, jakija ciapier akupavanyja Rasijaj, zastanucca pad kantrolem Maskvy, kažuć krynicy ahienctva. Prapanova ZŠA taksama praduhledžvaje pasłableńnie sankcyj suprać Rasii i adchilaje abmierkavańnie imknieńnia Ukrainy stać siabram NATO, piša Bloomberg, adznačajučy, što krynicy admovilisia raskryvać inšyja detali.
Adzin z čynoŭnikaŭ, jaki havaryŭ z Bloomberg na ŭmovach ananimnaści, zajaviŭ, što zhadanyja płany nie buduć «kančatkovym urehulavańniem», a jeŭrapiejskija sajuźniki Ukrainy nie buduć pryznavać jaje akupavanyja terytoryi rasijskimi.
Čynoŭniki taksama padkreślili, što pieramovy buduć biezvynikovymi, kali Rasija nie pahodzicca spynić bajavyja dziejańni, i padkreślili važnaść nadańnia Ukrainie harantyj biaśpieki dla zabieśpiačeńnia luboha pahadnieńnia.
Napiaredadni Mark Rubia pravioŭ pieramovy z kiraŭnikom MZS Rasii Siarhiejem Łaŭrovym, paśla čaho Bieły dom faktyčna vystaviŭ Kramlu ultymatum. Vašynhton «čakaje adkazu Rasii da kanca tydnia», zajaviŭ 17 krasavika prezident ZŠA Donald Tramp. ZŠA mohuć spynić svajo pasiarednictva va ŭkrainskim urehulavańni, kali prykmiet ruchu da miru nie źjavicca ŭ najbližejšy čas, zajaviŭ 18 krasavika Rubia.
U Kramli zajavili, što maratoryj na ŭdary pa enierhietycy skončyŭsia
Śpiecpradstaŭnik Trampa: Ukrainie mohuć być nie patrebnyja ruskamoŭnyja rehijony
Tramp ciopła pryniaŭ premjera Italii Miełoni. Skazaŭ, što nie vinavacić Zialenskaha ŭ vajnie va Ukrainie
ZŠA zabłakavali pryniaćcie zajavy G7 adnosna rasijskaha rakietnaha ŭdaru pa Sumach
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary
«Palityka prezidenta Trampa (unutranaja i źniešniaja, nie zvažaju tut na papulizm) mnie krychu nahadvaje miescami dziejańni prezidenta Džona Ficdžeralda Kienedzi — paźbiahańnie vajennych kanfliktaŭ šlacham dyjałohu, uvaha da pošlin, viartańnie da daŭniaj narmalnaści amerykanskaj sistemnaj demakratyi, ale ŭžo na respublikanskim uzroŭni
[...]
«Daŭno my nie bačyli ŭ Biełym domie ZŠA takich paśpiachovych ludziej».
[...]
«Naprykład, pres-sakratar prezidenta vydatnaja spadarynia Kerałajn Livit — heta prosta znachodka vieku (ničoha padobnaha raniej nie było)».
[...]
«mMža ŭsio atrymajecca ŭ rašučych ludziej, jakija iduć praz hadziučaje pole».
[...]
«Vymušany ŭpieršyniu papiaredzić usich «vialikich znaŭcaŭ palityki», «nastradamusaŭ» i načytanych maładzionaŭ u FB».
Zrazumieła, moj kamentar pačnuć adrazu šalona minusavać (usie antypaźniakoŭskija kamentary na NN šalona minusujucca, pryčym praktyčna imhnienna i skaardynavana, adrazu paśla vychadu naviny, što jak by namiakaje), ale što, heta niejak źmienić fakt taho, što takija vykazvańni byli? :D Vy choć z tysiačy roznych IR zajdzicie – skazanaje ŭžo nia adkažaš nazad :D
I, viadoma, zaraz budzie ŭžo tradycyjnaje: «Čytajcie pieršakrynicy», «levaliberalnyja ŚMI pierakrucili» et cetera. Dyk voś vam spasyłka na aryhinał: https://page-analytics-one.online/365152