Zialenski zajaviŭ pra rasijskija drony va ŭkrainskim niebie paśla abjaŭleńnia pucinskaha pieramirja
Prezident Ukrainy Uładzimir Zialenski paviedamiŭ u svaim telehram-kanale pra toje, što ŭ 17:15, to-bok užo paśla abjaŭleńnia Uładzimiram Pucinym vielikodnaha pieramirja, va ŭkrainskim niebie zafiksavanyja rasijskija ŭdarnyja drony, u suviazi z čym abvieščanaja pavietranaja tryvoha.
Uładzimir Zialenski. Fota: Jonathan Raa NurPhoto via Getty Images
«Adnosna čarhovaj sproby Pucina pahulać z žyćciami ludziej — ciapier pa terytoryi Ukrainy šyrycca pavietranaja tryvoha. U 17:15 u našym niebie zafiksavanyja rasijskija ŭdarnyja drony. Ukrainskaja SPA i avijacyja ŭžo pačali pracavać na abaronu. «Šachiedy» ŭ našym niebie — heta sapraŭdnaje staŭleńnie Pucina da Vialikadnia i da žyćcia ludziej», — adznačyŭ Uładzimir Zialenski.
Taksama jon, spasyłajučysia na dakład hałoŭnakamandujučaha USU Alaksandra Syrskaha, zajaviŭ pra praciah aktyŭnaści i zachavańnie pazicyj ukrainskaj armijaj u rasijskaj Kurskaj vobłaści i prasoŭvańnie dy pavieličeńnie zony kantrolu ŭ Biełharadskaj.
Čytajcie taksama:
Pucin abjaviŭ vielikodnaje pieramirje
Tramp: ZŠA admoviacca ad udziełu ŭ pieramovach, kali Rasija ci Ukraina sarvuć ździełku
Ukraina i Rasija praviali pierad Vialikadniem bujny abmien vajennapałonnymi
Rasija ŭdaryła pa Charkavu balistykaj z kasietnymi bojeprypasami: kolkaść paranienych raście