U Červieni pad mašynu trapiła niećviarozaja ravarystka
U červieni ŭviečary 18 krasavika na vulicy Majakoŭskaha adbyłosia DTZ z udziełam pjanaj ravarystki, čyj uzrovień ałkaholu ŭ kryvi pieravysiŭ usie dapuščalnyja normy.
Pavodle infarmacyi UUS Minskaha abłvykankama, 33-hadovaja kiroŭca Renault Megan Scenic ruchałasia pa hałoŭnaj darozie, a 45-hadovaja miascovaja žycharka vyjechała na elektrarovary Ecoliner Wind z druhasnaj vulicy. U vyniku adbyłosia sutyknieńnie, paśla jakoha niećviarozuju ravarystku z traŭmami špitalizavali.
Ałkatestar zaśviedčyŭ u kiroŭcy rovara ŭ kryvi 3,1 pramile ałkaholu — heta bolš čym 10 razoŭ vyšej za dapuščalnuju normu dla kiroŭcaŭ (0,29 pramile). Heta ciažkaja forma ałkaholnaha apjanieńnia.
Raniej paciarpiełaja ŭžo pryciahvałasia da adkaznaści za parušeńni PDR.