Kitaj paśpiachova vyprabavaŭ niajadziernuju vadarodnuju bombu
Bombu raspracavaŭ klučavy kitajski hulec u halinie sistem padvodnaj zbroi.
Ilustracyjnaje fota: Ng Han Guan — Pool/Getty Images
Kitajskija vučonyja paśpiachova vyprabavali bombu na asnovie vadarodu bieź jadziernych kampanientaŭ. Pra heta pišacca ŭ sakavickim artykule časopisa Journal of Projectiles, Rockets, Missiles and Guidance, paviedamlaje South China Morning Post.
Bomba vahoj dva kiłahramy stvaryła ahnisty šar, tempieratura jakoha pieravyšała 1000 hradusaŭ pa Celsiju, jon zachoŭvaŭsia na praciahu bolš za dźvie siekundy — u 15 razoŭ daŭžej, čym pry vybuchu ŭ tratyłavym ekvivalencie.
Bombu raspracavaŭ 705-y navukova-daśledčy instytut Kitajskaj dziaržaŭnaj sudnabudaŭničaj karparacyi (CSSC). Jon źjaŭlajecca klučavym hulcom u halinie sistem padvodnaj zbroi.