BIEŁ Ł RUS

Zialenski prapanuje Rasii padoŭžyć zabaronu na dalnabojnyja ŭdary na 30 dzion

20.04.2025 / 22:43

Nashaniva.com

Choć spynieńnia bajavych dziejańniaŭ na Vialikdzień nie nazirałasia, nie było pavietranych tryvoh.

Fota: Pier Marco Tacca / Getty Images

Prezident Ukrainy Uładzimir Zialenski prapanuje Rasii padoŭžyć zabaronu na dalnabojnyja ŭdary na 30 dzion.

«Na hetuju hadzinu z pačatku sutak rasijskaje vojska bolš čym 2 tysiačy razoŭ parušała pucinskaje spynieńnie ahniu.

Było ŭžo 67 rasijskich šturmaŭ suprać našych pazicyj na roznych kirunkach, i bolš za ŭsio — na Pakroŭskim. 1355 rasijskich abstrełaŭ, ź ich 713 — ciažkaje ŭzbrajeńnie, 673 prymianieńni rasiejcami FPV.

Faktyčna na ŭsich asnoŭnych kirunkach frontu Rasija nie strymała svajho ž abiacańni cišyni. Nie chapiła Rasii i amal usiaho dnia, kab adkazać na našu ŭkrainskuju prapanovu poŭnaj cišyni, pačynajučy zaraz, ź Vialikadnia, i na 30 dzion», — paviedamiŭ Zialenski pa vynikach dakładu hałoŭnakamandujučaha USU Alaksandra Syrskaha.

Ale razam z tym nie było pavietranych tryvoh. Toj farmat cišyni, jaki dasiahnuty, Zialenski prapanuje pradoŭžyć.

«Ukraina prapanuje admovicca ad lubych udaraŭ dalnabojnymi dronami i rakietami pa cyvilnaj infrastruktury na termin nie mienš za 30 sutak z mahčymaściu padaŭžeńnia.

Kali Rasija nie pahodzicca na taki krok, heta budzie dokazam, što jana choča rabić i ŭ dalejšym tolki toje, što źniščaje žyćci ludziej i praciahvaje vajnu», — napisaŭ Zialenski.

Dziaržaŭny departamient ZŠA zajaviŭ, što vitaŭ by praciah abvieščanaha Rasijaj «vielikodnaha pieramirja».

U subotu prezident Rasii Uładzimir Pucin abviaściŭ «vielikodnaje pieramirje» — jano praduhledžvała spynieńnie ŭsich bajavych dziejańniaŭ va Ukrainie ź viečara 19 krasavika da paŭnočy 21 krasavika. Adnak, jak pakazvaje analiz ukrainskaha manitorynhavaha prajekta DeepState, bajavyja dziejańni nie spynilisia.

Čytajcie taksama:

Pucin abjaviŭ vielikodnaje pieramirje

Zialenski zajaviŭ pra rasijskija drony va ŭkrainskim niebie paśla abjaŭleńnia pucinskaha pieramirja

Zialenski: Kali poŭnaja cišynia sapraŭdy zapanuje, Ukraina prapanuje pradoŭžyć jaje

Kamientary da artykuła