Biełarusa zatrymali ŭ Stambule za sprobu kantrabandy
Tureckaja palicyja zatrymała ŭ aeraporcie Stambuła hramadzian Biełarusi i Rasiei za sprobu ŭvozu ŭ krainu kantrabandnaj pradukcyi, paviedamiła miascovaje ahienctva IHA.
Stambulski aeraport. Fota ilustracyjnaje
Biełarus i rasijanin prybyli ŭ Stambuł rejsam z Maskvy. Pavodziny mužčyn u terminale zdalisia supracoŭnikam mytni padazronym, u vyniku byŭ praviedzieny pieratrus ich bahažu i asabisty dahlad.
«U zatrymanych było kanfiskavana 10 novych smartfonaŭ apošnich madelaŭ roznych marak, siem kamier i fotaaparataŭ, 12 kiłahram rasfasavanaha tytuniu dla kaljana, 200 pačkaŭ cyharet, 60 pačkaŭ cyharetnych filtraŭ i stolki ž elektronnych cyharet», — havorycca ŭ publikacyi vydańnia.
Taksama pasažyry sprabavali pravieźci z saboj 21 paru spartyŭnaha abutku viadomych brendaŭ, 16 žanočych sumačak, 12 norkavych futraŭ i šeść norkavych šalikaŭ.
Hramadzianie byli zatrymanyja za sprobu kantrabandy, ciapier pravodziacca śledčyja mierapryjemstvy.
Čytajcie taksama:
Kiraŭnik MUS Polščy vyklučyŭ adkryćcio punktaŭ propusku da źmieny palityki biełaruskich uładaŭ
U Ispanii zatrymali paru, jakaja pradavała redkich katoŭ ź Biełarusi